टेलिव्हिजन इंडस्ट्रीमधील सर्वात लोकप्रिय अभिनेत्रींमध्ये मोना सिंगचा समावेश आहे. मोनाला जस्सी जैसी कोई नहीं या मालिकेतून लोकप्रियता मिळाली होती. त्यानंतर तिने बऱ्याच मालिकेत काम केलं आहे. प्रसिद्ध झालेल्या वृत्तानुसार मोना सिंग लवकरच लग्न करणार आहे. पण, हे वृत्त चुकीचं असल्याचं मोनानं सांगितलं होतं.
टाइम्स ऑफ इंडियाच्या रिपोर्टनुसार मोनाचे लग्न निश्चित झालं आहे आणि ती २७ डिसेंबरला एका बँकरसोबत लग्न करणार आहे. हो मोना दोन दिवसात लग्नबेडीत अडकणार आहे.
मोनाच्या होणाऱ्या नवऱ्याबद्दल सांगितलं जातंय की तो साऊथ इंडियन बँकर आहे आणि त्याचं नाव श्याम आहे. लग्नात गौरव गेरा, राजेश खेरा व रक्क्षंदा खान हजेरी लावू शकतात, असं बोललं जात आहे. मोनाने नुकतेच गोव्यात स्पिनस्टर्स पार्टी सेलिब्रेट केली होती.
मोना सिंग आमीर खान व करीना कपूरच्या लाल सिंग चड्ढामध्ये झळकली होती.