कृष्णाच्या विनोदावर नाराज झाला जॉन

नुकतेच शोदरम्यान कृष्णाने  केलेल्या रंगभेदाच्या शेरेबाजीमुळे चिडलेली तनिष्ठा चटर्जीचे प्रकरण ताजे असतानाच कॉमेडी नाइट्स बचाओ ताजा या शोने आणखी एका अभिनेत्याच्या भावना दुखावल्या आहेत.काही दिवसांपूर्वीच तनिष्ठा चटर्जीचीवर वैयक्तिक शेरेबाजी केल्यामुळे कार्यक्रमाचे शूटिंग अर्ध्यावरच टाकत ती या शोमधून निघून गेली होती. आता तर कृष्णाने थेट जॉन अब्राहमवरच निशाणा धरला. कृष्णाच्या विनोदामुळे नाराज होत जॉन या एपिसोडचे शूटिंग अर्ध्यावरच टाकून निघून गेला.सिनेमाच्या प्रमोशनसाठी जॉन अब्राहम कॉमेडी नाईट्स बचाओ  या शोमध्ये आला होता. त्यावेळी सोनाक्षी सिन्हाही त्याच्यासोबत होती. यावेळी विनोद सुरू असतानाच कृष्णाने जॉन आणि सोनाक्षीला आपल्यासोबत डान्स करण्यास सांगितले. मात्र जॉनला हे आवडले नाही. त्याने डान्स करण्यास नकार देत शोमधून निघून जाणे पसंत केले. घडलेल्या प्रकरणावर स्पष्टीकरण देत कृष्णा म्हणाला की, मी त्याच्या 'पाप' या सिनेमावर विनोद केला होता. त्यामुळे जॉन नाराज झाल्याचे जाणवले. नंतर तो डान्स करण्यास नकार देत निघून गेला. मी त्याची माफी मागून त्याला थांबवण्याचा प्रयत्नही केला.पण तो थांबला नाही.