आपल्या सिनेमाच्या प्रमोशनसाठी सेलिब्रिटी मंडळी आवर्जून छोट्या पडद्यावर सुरू असणा-या कार्यक्रमामध्ये हजेरी लावतात. टीव्हीवरील कार्यक्रमांप्रमाणे आपल्या सिनेमांचीही चर्चा घराघरात व्हावी यासाठी अनेकांचा खटाटोप असतो. नुकतंच अभिनेत्री काजोललाही सिनेमाच्या प्रमोशनसाठी छोट्या पडद्याचा आधार घ्यावा लागला आहे.म्हणूनच काजोल 'दिल है हिंदुस्तानी' सिझन 2 या कार्यक्रमात पोहचली होती.
काजोलच्या उपस्थितीमुळेच ‘दिल है हिंदुस्तानी-2’चा आगामी भाग हा रसिकांसाठी दुहेरी आनंद देणारा ठरणार आहे. या भागात ती स्पर्धकांचे परफॉर्मन्सना यावेळी जजही करणार आहे. त्यामुळे खुद्द काजोलकडून खास टीप्स मिळणार म्हटल्यावर हा क्षणही स्पर्धकांसाठी खूप खास असणार आहे.यावेळी काजोलच्याच लोकप्रिय गाण्यावर स्पर्धक परफॉर्म करणार आहेत. तसेच आजपर्यंत कोणालाही माहिती नसलेल्या अनेक गोष्टी काजोल यावेळी सगळ्यांसोबत शेअर करणार आहे. काजोलची मुख्य भूमिका असलेला 'हेलिकॉप्टर ईला'चा ट्रेलर लाँच करण्यात आला आहे. काजोलच्या वाढदिवसाचा निमित्त साधत या सिनेमाची ट्रेलर रिलीज करण्यात आला होता. प्रदीप सरकार दिग्दर्शित सिनेमात राष्ट्रीय पुरस्कार विजेता रिद्धी सेनची प्रमुख भूमिका आहे. यात काजोल एका सिंगल मदरची भूमिका साकारणार आहे जिची गायिका होण्याची इच्छा असते. आई- मुलाच्या नात्यावर हा सिनेमा आधारित आहे. यात काजोल, रिद्धिसोबत नेहा धूपियाचीही महत्त्वाची भूमिका आहे.
'हेलिकॉप्टर ईला' हा सिनेमा एका गुजराती नाटकावर आधरित आहे. दिग्दर्शक प्रदीप सरकार या चित्रपटाविषयी बोलताना म्हणाले होते की, या सिनेमाची स्क्रिप्ट माझ्याकडे जवळपास दोन महिन्याआधी आली होती. हा सिनेमा गुजराती नाटकावर आधारित असल्यामुळे मला त्यांचे इमोशन्स पकडायला वेळ लागले.
काही महिन्यांपूर्वी काजोल 'व्हीआयपी2’मध्ये धनुष सोबत दिसली होती. बॉक्स ऑफिसवर हा सिनेमा फ्लॉप झाला होता. या सिनेमात धनुषवर तिहेरी जबाबदारी होती त्याने केवळ अभिनयच नाही,तर या निर्मितीही केली होती.एवढेच नव्हे तर धनुषने या सिनेमाचे डायलॉग आणि कथाही लिहिली होती. या सिनेमाच्या माध्यमातून काजोल दुसऱ्यांदा साउथ सिनेमात काम केले होते.