अभिनेता आणि बॉलिवूडचा स्वयंभू समीक्षक कमाल आर खान अर्थात केआरके (Kamal R Khan )याचे वादांशी जुनं नातं आहे. वादग्रस्त ट्वीटमुळे तो सतत चर्चेत असतो. आता पुन्हा एकदा केआरकेने असंच एक वादग्रस्त ट्वीट केलं आहे. हे ट्वीट आहे, बिग बॉस ओटीटी स्पर्धक मूस जट्टानाबद्दल. मूस जट्टानासारखी (Moose Jattana) मुलगी बिग बॉसच्या घरात जातेच कशी? असा अप्रत्यक्ष सवाल त्यानं केला आहे. वूट अ‍ॅपवर नुकताच बिग बॉस ओटीटी शो सुरू झाला आहे. सध्या हा शो चांगलाच चर्चेत आहे. अशात केआरकेनं असं काही ट्वीट केलं की, सगळेच हैराण झालेत. बिग बॉस या शोबद्दल केआरकेनं याआधीही अनेकदा ट्वीट करत निशाणा साधला आहे. यानिमित्तानं अनेकदा त्यानं शोचा होस्ट सलमान खानवरही निशाणा साधला आहे. ताज्या ट्वीटमध्ये मात्र त्यानं घरातील स्पर्धक मूस जट्टाना हिला लक्ष्य केलं आहे.
काय केलं ट्वीट
‘मी यंदाचं बिग बॉस पाहिलेलं नाही, ना पाहण्याचा प्लान आहे. पण हो, या शोमध्ये मुस्कान म्हणजे मूस जट्टाना नावाची एक मुलगी आहे, असं मला कळलं. जी यूड लाइव्ह स्ट्रीमिंग करते. शोमध्ये तिच्यासारख्या मुलींचं स्वागत होत असेल त्तर मग राज कुंद्रा तुरुंगात का आहे? मी पुन्हा सांगतो कायदा हा सर्वांसाठी समान असायला हवा,’ असं केआरकेनं त्याच्या ट्वीटमध्ये म्हटलं आहे. त्याच्या या ट्वीटनंतर अनेकांनी त्याला ट्रोल केलं आहे. अनेक युजर्स केआरकेच्या या ट्वीटवर कमेंट करताना दिसत आहेत.
कोण आहे मूस जट्टानामूस जट्टानाचं खरं नाव मुस्कान आहे. 20 वर्षांची मूस ही सोशल मीडिया इन्फ्लुएन्सर म्हणून ओळखली जाते. अनेक वाद ओढवून घेतलेली मूस अनेकदा तिच्या बिनधास्त विधानांमुळे ती सोशल मीडियावर चर्चेत असते. ती महिल्यांच्या तसेच समलैंगिकतेच्या मुद्द्यावर आपली मतं बेधडकपणे मांडताना दिसते. न्यूड लाइव्ह सेशन केल्यामुळं ती वादाच्या भोवºयात सापडली होती.