Karishma Ka Karishma, Kal Ho Naa Ho Child Actor Jhanak Shukla Got Engaged: अनेक मालिकांमध्ये काम केलेले बालकलाकार (Child Actors) आता मोठे झालेत. त्यांचे लेटेस्ट बघून त्यांना ओळखणं ही कठीण झालायं. ९०च्या दशकात करिश्मा का करिश्मा आणि सोनपरी या मालिका खूप गाजल्या होत्या. ‘करिश्मा का करिश्मा’ या मालिकेत रोबोटची भूमिका साकारणारी बालकलाकार आता मोठी झाली आहे. तिची ही भूमिका बच्चेकंपनीसह तमाम रसिकांना भावली होती. तसेच झनक शाहरूख खान, प्रीती झिंटा आणि सैफ अली खान स्टारर 'कल हो ना हो' या सिनेमातही झळकली होती. आता अभिनेत्री तिच्या पर्सनल लाईफला घेऊन चर्चेत आली आहे. नुकताच अभिनेत्रीचा साखरपुडा झाला आहे. ज्याचे फोटो सोशल मीडियावर व्हायरल झाले आहेत.
26 वर्षीय झनक शुक्ला तिचा बॉयफ्रेंड स्वप्निल सूर्यवंशीसोबत साखपुडा केला आहे. स्वप्नील झनकचा फिटनेस ट्रेनर आहे.तिनं आपल्या अधिकृत इन्स्टाग्राम अकाऊंटवर रोको सेरेमनीचे काही फोटो शेअर केले आहे. झनक आणि स्वप्निल दोघेही फोटोमध्ये खूप आनंदी दिसत आहेत. पोस्ट शेअर करताना, अभिनेत्रीने तिचा आनंद व्यक्त केला आणि कॅप्शन दिले, "शेवटी मी याला ऑफिशियल करते आहे...रोका झाला." झनकच्या पोस्टवर अनेक सेलिब्रिटींनी कमेंट करून तिचं अभिनंदन केले आहे. यामध्ये सृती झा, अविका गौर, कंवर ढिल्लन आणि मोहित हिरानंदानी यांसारख्या स्टार्सच्या नावांचा समावेश आहे.
झनक शुक्ला ही टीव्हीवरील लोकप्रिय शो 'कुमकुम भाग्य' फेम सुप्रिया पाठक आणि फिल्ममेकर हरी शुक्ला यांची मुलगी आहे.
'करिश्मा का करिश्मा' आणि 'कल हो ना हो' व्यतिरिक्त, झनक 'डेडलाइन: सिरफ 24 घन' आणि 'वन नाइट विथ द किंग' या हॉलिवूड चित्रपटासह बाल कलाकार म्हणून इतर अनेक चित्रपटांमध्ये दिसली आहे.