छोट्या पडद्यावरील सा रे ग म प लिटिल चॅम्प्स (Sa Re Ga Ma Pa Little Champs) या कार्यक्रमावर प्रेक्षकांनी भरभरुन प्रेम केले होते. या कार्यक्रमाचे बरेच सीझन येऊन गेले आहेत. मात्र आजही कार्यक्रमातील काही स्पर्धक रसिकांच्या मनात घर करुन कायम आहेत. या कार्यक्रमातील पंचरत्न म्हणजेच आर्या आंबेकर, मुग्धा वैशंपायन, कार्तिकी गायकवाड, प्रथमेश लघाटे आणि रोहित राऊत. या पंचरत्नांचा सुरेल आवाज आजही प्रेक्षकांच्या मनात घर करुन कायम आहे. या पंचरत्नांपैकी एक कार्तिकी गायकवाड (Kartiki Gaikwad) सध्या चर्चेत आली आहे. तिने नवी गाडी खरेदी केली आहे.
कार्तिकी गायकवाडने सोशल मीडियावर गाडी विकत घेतानाचा व्हिडीओ शेअर केला आहे. हा व्हिडीओ शेअर करत तिने कॅप्शनमध्ये घरातील नवीन सदस्य' असं लिहिले आहे. तिच्या या पोस्टवर चाहते कमेंट्स करत गायिकेला शुभेच्छा देत आहेत. कार्तिकी गायकवाडने 'फॉर्च्युनर'ही गाडी खरेदी केली आहे. या गाडीची किंमत ३० ते ३५ लाखांच्या जवळपास आहे.
कार्तिकीच्या वडिलांचा आज वाढदिवस आहे. वडिलांच्या वाढदिवसाच्या आदल्या दिवशी तिने नवीन गाडी विकत घेतली आहे. तसेच गायिकेने वडिलांच्या वाढदिवसानिमित्त हातावर 'डॅडी' लिहिलेला स्पेशल टॅटूही काढला आहे. या टॅटूने चाहत्यांचं लक्ष वेधून घेतलं आहे. माझा पहिला टॅटू वडिलांना समर्पित असं म्हणत तिने टॅटू काढला आहे.
'सा रे ग म प लिटिल चॅम्प्स'ची विजेती आहे कार्तिकी गायकवाड
'सा रे ग म प लिटिल चॅम्प्स' या लोकप्रिय कार्यक्रमाच्या पहिल्या पर्वाची कार्तिकी गायकवाड विजेती ठरली होती. आजही तिच्या आवाजाचा मोठा चाहतावर्ग आहे. 'सा रे ग म प लिटिल चॅम्प्स'मध्ये कार्तिकीने गायलेली गाणी आजही चाहते विसरलेले नाहीत.