बिग बॉस 15 (Bigg Boss 15)चा फिनाले काही तासांवर आला आहे. सलमान खानच्या शोच्या सीझन 15 चा ग्रँड फिनाले सुरू होणार आहे. कोण विजेता होणार आणि कोणाच्या हातात ट्रॉफी दिसणार हे 30 जानेवारीला समोर येणार आहे. करण कुंद्रा, तेजस्वी प्रकाश, शमिता शेट्टी, निशांत भट, रश्मी देसाई, प्रतीक सहजपाल हे टॉप 6 मध्ये आहेत. या 6 स्पर्धकांपैकी एकाच्या हातात बिग बॉस 15 ची ट्रॉफी असेल.जाणून घ्या डिटेल्स
दोन पार्टमध्ये होणार फिनाला बिग बॉस 15 चा ग्रँड फिनाले (Bigg Boss 15 grand finale) दोन भागात टेलीकास्ट होणार आहे. पहिला भाग 29 जानेवारी म्हणजेच आज आणि दुसरा उद्या म्हणजेच रविवारी 30 जानेवारीला टेलीकास्ट होणार आहे.
कलर्स टीव्हीवर प्रेक्षक बिग बॉस 15 चा ग्रँड फिनाले पाहू शकतात. रात्री ८ वाजता हा कार्यक्रम टेलिकास्ट होणार आहे. याशिवाय, शेवटचा भाग संध्याकाळी 7:30 वाजता VOOT अॅपवर थेट पाहता येईल.
विनरला मिळणार इतकी रक्कम बिग बॉस 15 च्या विजेत्याला 50 लाख रुपयांच्या बक्षीस रकमेसह एक चमकदार ट्रॉफी देखील मिळेल. सुरुवातीच्या दिवसांमध्ये टास्क दरम्यान सदस्यांनी ते शून्य केले, परंतु नंतर बिग बॉसने अनेक संधी दिल्या, त्यानंतर सदस्यांना ही बक्षीस रक्कम परत मिळवण्यात यश आले.
यावेळी 'बिग बॉस 15' ची ट्रॉफी खूपच आकर्षक आहे, ज्याचे अनावरण काही दिवसांपूर्वी गौहर खानने शोमध्ये केले होते. सोनेरी रंगाच्या ट्रॉफिवर, 'WINNER- BIGG BOSS 15' मोठ्या अक्षरात लिहिलेले आहे.
श्वेता तिवारी, गौहर खान, गौतम गुलाटी, उर्वशी ढोलकिया, रुबिना डिलेक बिग बॉस 15 च्या फिनालेमध्ये सामील होतील. शोमध्ये शहनाज गिल बिग बॉस 13 चा विजेता सिद्धार्थ शुक्लाला श्रद्धांजली वाहणार आहे.