Isha Sanjay Post For Nitish Chavan : 'लाखात एक आमचा दादा' (Lakhat Ek Aamcha Dada) ही मालिका सध्या प्रेक्षकांचे लक्ष वेधून घेताना दिसत आहे. बहीण-भावाच्या नात्यावर भाष्य करणाऱ्या या मालिकेने अल्पावधीतच रसिकांचे मन जिंकले. एक भाऊ आणि चार बहिणी यांच्या भोवती फिरणारी या नव्या मालिकेची कथा आहे. अभिनेता नितीश चव्हाण या मालिकेत मुख्य सूर्यादादाच्या भूमिकेत भुमिकेत आहे. तर अभिनेत्री कोमल मोरे (तेजश्री), समुद्धी साळवी (धनश्री), इशा (राजश्री), जुई तनपुरे (भाग्यश्री) या चारजणी बहिणींच्या भूमिकेत आहेत.
नुकंतच पार पडलेल्या 'झी मराठी २०२४' पुरस्कार सोहळ्यात सर्वोत्कृष्ट बहीण हा पुरस्कार या मालिकेतील तेजश्री, धनश्री, राजश्री, भाग्यश्री यांना मिळाला आहे. आता राजश्रीची भूमिका साकारणारी अभिनेत्री ईशा संजयने मालिकेत तिच्या भावाची भूमिका साकारणारा नितीश चव्हाणसाठी सोशल मीडियावर खास पोस्ट शेअर केली आहे. पोस्टमधील फोटोमध्ये ईशाच्या हातात तिने पटकावलेला पुरस्कारही दिसतो आहे. अगदी खऱ्या आयुष्यातील बहीण-भावाप्रमाणे त्यांचे बाँडिंग पाहायला मिळाले.
ईशा संजयने पोस्टमध्ये लिहिले, "तू सर्वोत्कृष्ट भाऊ आहेसच आणि तुझ्यामुळे आम्हीसुद्धा सर्वोत्कृष्ट बहीण ठरलो. या प्रोजेक्टने मला खूप काही दिले आहे, यामुळेच मी तुला भेटले आणि मला माझे पहिले अवॉर्डदेखील मिळाले. तुझ्यासोबत हा क्षण मला शेअर करता आला याचा मला आनंद आहे. खूप अवॉर्ड मिळवायचे आहेत आणि आठवणी निर्माण करायच्या आहेत. बर मग? हा मग? म्हणत असंच लोकांना फाट्यावर मारत राहू". या पोस्टवर चाहत्यांनीही प्रेमाचा वर्षाव केलाय.