छोट्या पडद्यावर झळकणार लारा दत्ता

२००० साली विश्वसुंदरीचा मुकूट भारतात आणणारी अभिनेत्री लारा दत्ताने गेल्या काही वर्षांत वैविध्यपूर्ण भूमिका निभावून बॉलिवूडमध्ये आपला ठसा उमटवला आहे.केवळ आपल्या अभिनयानेच नव्हे, तर तिच्या नातेसंबंधातील ध्येयासक्तीमुळेही आज लारा दत्ता हे नाव घराघरात पोहोचले आहे.आपली गोड मुलगी आणि पतीसोबतचे परफेक्ट फॅमिली पिक्चर ट्विटरवर शेअर केल्यानंतर, लारा दत्ताने तिच्या चाहत्यांची मने काही क्षणातच जिंकून घेतली. आता, छोट्या पडद्यावरील आगामी `हाय फिव्हर – डान्स का नया तेवर` या डान्स रिअलिटी शोमध्ये परिक्षकाच्या भूमिकेतून रसिकांच्या भेटीला येणार आहे.या वाहिनीशी संबंधीत एका सूत्राने सांगितल्यानुसार, लारा दत्तानेही या शोसाठी होकार कळवला आहे. देशभरातल्या नृत्याची आवड असलेल्या आणि आपल्या नात्याची मजबूती सिद्ध करण्याची इच्छा असलेल्या `जोडप्यां`साठी हा शो म्हणजे एक उत्तम व्यासपीठ असणार आहे. असे म्हटले जात आहे. हा शो देशातील सर्व वयोगटातील नर्तक जोडप्यांच्या नातेसंबंधांवर आधारलेला आहे. माय-लेकी, मुलगा-पिता, नवरा-बायको, विद्यार्थी-शिक्षक आदी जोड्यांचा यात समावेश होणार आहे. लारा दत्ता म्हणाली,``जेव्हा हाय फिव्हर हा शो माझ्याकडे आला, तेव्हा या शोच्या मालिकेशी मी स्वतःला खूप रिलेट केले. या शोमध्ये सहभागी होणार्‍या जोड्यांच्या नात्यांतील सौंदर्य आणि `तेवर` पाहण्यासाठी मी फार उत्सुक आहे.`` लारा स्वतः नातेसंबंधांबाबत अतिशय संवेदनशील असल्याने या शोसाठी ती परफेक्ट परिक्षक ठरेल असा विश्वासही तिला वाटतो.तिच्यासोबत परिक्षकाच्या खुर्चीवर आणखी कोण बसेल हे ही लवकरच कळेल.अभिनय क्षेत्रात सध्या लारा दत्ता सक्रिय नसली तरीही ती दुसऱ्याच एका कलात्मक क्षेत्रात सक्रिय आहे. एका क्लोथिंग ब्रॅण्डच्या साथीने लाराने तिने साड्यांचं कलेक्शन लाँच केलं होते.त्याशिवाय तिची स्वत:ची निर्मितीसंस्थाही आहे.Also Read:​सलमान खानच्या नो एंट्री या चित्रपटाच्या सिक्वलचे काय होणार?सलमान खान, अनिल कूपर, फरदीन खान यांच्या नो एंट्री या चित्रपटाने बॉक्स ऑफिसवर चांगलाच गल्ला जमवला होता. एक चांगला कॉमेडी चित्रपट म्हणून या चित्रपटाकडे पाहिले जाते. हा चित्रपट हिट झाल्यानंतर या चित्रपटाच्या सिक्वलची घोषणा करण्यात आली होती. नो एंट्री हा चित्रपट 2005मध्ये प्रदर्शित झाला होता. या चित्रपटाला आता 12 वर्षं होत आली असली तरी या चित्रपटाच्या सिक्वलचा काहीही पत्ता नाहीये.नो एंट्री या चित्रपटाच्या सिक्वलची गेल्या कित्येक वर्षांपासून प्रेक्षक वाट पाहात आहेत. 2014मध्ये या चित्रपटाच्या सिक्वलची घोषणा झाली होती. या चित्रपटात सलमान खान, फरदीन खान आणि अनिल कपूरच प्रमुख भूमिकेत झळकणार होते असे ठरले होते.