श्रेयस तळपदेच्या “माझी तुझी रेशीमगाठ” मालिकेच्या प्रोमोतील चिमुरडीने वेधले लक्ष, तिला तुम्ही ओळखले का?

श्रेयस तळपदे सोबत अभिनेत्री प्रार्थना बेहेरे प्रमुख भूमिकेत असणार आहे. या मालिकेतील इतर कलाकार आणि कथानक अजूनही गुलदस्त्यात असून ही मालिका लवकरच प्रेक्षकांच्या भेटीस येईल.

छोट्या पडद्यावर लवकरच "माझी तुझी रेशीमगाठ" ही मालिका रसिकांच्या भेटीला येणार आहे.  या मालिकेतून श्रेयस पुन्हा एकदा छोट्या पडद्यावर रसिक प्रेक्षकांच्या मनोरंजनासाठी सज्ज झाला आहे.या मालिकेचा प्रोमो नुकताच रिलीज झाला आणि या मालिकेची झलक पाहूनच प्रेक्षकांची उत्सुकता शिगेला पोहोचली आहे. मालिकेचं कथानक वेगळं असून एक सुंदर प्रेमकथा या मालिकेतून प्रेक्षकांच्या भेटीस येणार आहे. या मालिकेत श्रेयस तळपदे सोबत अभिनेत्री प्रार्थना बेहेरे प्रमुख भूमिकेत असणार आहे. या मालिकेतील इतर कलाकार आणि कथानक अजूनही गुलदस्त्यात असून ही मालिका लवकरच प्रेक्षकांच्या भेटीस येईल.

तुर्तास मालिकेच्या प्रोमोला प्रचंड पसंती मिळत आहे. विशेष म्हणजे प्रोमोमध्ये श्रेयस तळपदेसोबत चिमुकलीही झळकत आहे. या चिमुकलीनेच सगळ्यांचे लक्ष वेधून घेतले आहे. या चिमुकलीला यापूर्वीही तुम्ही अनेकदा सोशल मीडियावर व्हायरल होणा-या व्हिडीओमध्ये पाहिले असणार. सोशल मीडियावर वेगवेगळ्या अंदाजातील तिचे व्हिडीओ धुमाकुळ घालत असतात. सोशल मीडियावर तर ही चिमुकली प्रचंड लोकप्रिय आहे.

या चिमुरडीचे नाव आहे मायरा वायकुळ.मायराचे सोशल मीडियावर खूप फॉलोअर्स आहेत. मायराच्या व्हिडीओंना चाहते भरभरुन लाईक्स देत असतात. सोशल मीडियावर प्रसिद्ध असणारी मायरा आता छोटा पडदा गाजवण्यासाठी सज्ज झाली आहे.''माझी तुझी रेशीमगाठ'' मालिकेतून आता तिची अदाकारीही रसिकांना पाहायला मिळणार आहे. येत्या १६ ऑगस्टपासून ही मालिका रसिकांच्या भेटीला येणार आहे.   

View this post on Instagram

A post shared by Vaikul (@_world_of_myra_official)

याबद्दल बोलताना श्रेयस म्हणाला, "पुन्हा एकदा मराठी टेलिव्हिजनच्या माध्यमातून एका दमदार कथानकासोबत पुनरागमन करताना मला प्रचंड आनंद होतो आहे. 'माझी तुझी रेशीमगाठ' हि मालिका खूप वेगळी आहे ही एक अनोखी प्रेमकथा आहे जी प्रेक्षकांना नक्कीच आवडेल याची मला खात्री आहे, यातील माझी भूमिका प्रेक्षकांना आपलीशी वाटेल." यापूर्वीही श्रेयसने 'आभाळमाया' आणि 'अवंतिका' तसेच दूरदर्शनवरील 'दामिनी' या गाजलेल्या मराठी मालिकांमध्येही काम केले आहे. छोट्या पडद्यावरून श्रेयसने आपल्या अभिनय क्षेत्रातील कारकिर्दीला सुरुवात केली होती आणि आता  "माझी तुझी रेशीमगाठ" या मालिकेतून श्रेयस पुन्हा एकदा छोट्या पडद्यावर रसिक प्रेक्षकांच्या मनोरंजनासाठी सज्ज झाला आहे.