PHOTOS :  ‘महाराष्ट्राची हास्य जत्रा’ फेम अरूण कदम यांच्या लेकीचा थाटात पार पडला साखरपुडा

होय, नुकताच अरूण कदम यांची लेक सुकन्या कदम हिचा साखरपुडा पार पडला. पाहा, फोटो

ठळक मुद्देमहाराष्ट्राची हास्य जत्रा, कॉमेडीची बुलेट ट्रेन या शो मधून पंढरीनाथ कांबळे उर्फ पॅडी सोबतची त्यांची जुळून आलेली केमिस्ट्री तुफान गाजली.

‘महाराष्ट्राची हास्यजत्रा’ (Maharashtrachi Hasya Jatra ) या कार्यक्रमात पे्रक्षकांना खळखळून हसवणारे दिग्गज हास्य अभिनेते अरूण कदम (Arun Kadam) यांच्या चाहत्यांसाठी एक आनंदाची बातमी आहे. होय, नुकताच अरूण कदम यांच्या लेकीचा साखरपुडा पार पडलाये. अरूण कदम यांची एकुलती एक लेक सुकन्या हिचा साखरपुडा सागर पोवळे यांच्यासोबत झाला. सुकन्या व तिची आई वैशाली कदम यांनी या थाटामाटात पार पडलेल्या साखरपुड्याचे काही फोटो शेअर केले आहेत. सुकन्या लवकरच सागर पोवळे सोबत विवाहबंधनात अडकणार आहे. अरूण कदम यांचा जावई बिअर क्षेत्रात कार्यरत आहे.

 या साखरपुड्याला अरुण कदम यांच्या सहकलाकारांनी हजेरी लावली होती. त्यात जयवंत वाडकर आणि सुप्रिया पाठारे यांचा समावेश होता.
 अरुण कदम यांची लेक सुकन्या ही ग्राफिक डिझायनर आहे . नृत्याची तिला विशेष आवड आहे. भरतनाट्यमचे प्रशिक्षण तिने घेतले आहे.  

अरुण कदम यांनी अनेक कॉमेडी शो मधून प्रेक्षकांना हसवण्याचे काम केले आहे. कॉमेडीची बुलेट ट्रेन असो वा चित्रपट अनेकदा त्यांच्या वाट्याला विनोदी भूमिका आल्या आणि या भूमिकांनी प्रेक्षकांना खळखळून हसायला भाग पाडलं. केवळ मराठी चित्रपट नाही तर त्यांनी काही बॉलिवूड चित्रपट देखील साकारले आहेत.  

महाराष्ट्राची हास्य जत्रा, कॉमेडीची बुलेट ट्रेन या शो मधून पंढरीनाथ कांबळे उर्फ पॅडी सोबतची त्यांची जुळून आलेली केमिस्ट्री तुफान गाजली. ही जोडी मंचावर आली रे आली की, हास्याचे कारंजे फुटतात, त्यामुळेच प्रेक्षकांनी या जोडीवर मनापासून प्रेम केले.  या शोमध्ये अनेक नवे कलाकार आले मात्र या दोघांची जोडी आजही अबाधित राहिली, ती याचमुळे.

View this post on Instagram

A post shared by Sukanya Arun (@aai.aai.ya.suku.suku)