‘महाराष्ट्राची हास्यजत्रा’ या छोट्या पडद्यावरील लोकप्रिय कॉमेडी शोमधून अभिनेता गौरव मोरे घराघरात पोहोचला असून त्याने प्रेक्षकांच्या मनातही घर केलं आहे. विनोदीबुद्धी आणि अभिनय कौशल्याने त्याने अल्पावधीतच कलाविश्वात आपलं वेगळं स्थान निर्माण केलं. याच कार्यक्रमातून गौरव घराघरात पोहोचला. विनोदाचं अचूक टायमिंग आणि त्यांची हेअरस्टाईल त्याला लोकप्रिय करत गेली. फिल्टरपाड्याचा बच्चन अशी ओळख असलेल्या गौरवची दुबईत देखील चांगलीच हवा आहे. सोशल मीडियावर त्याचा दुबईतील व्हिडीओ व्हायरल झाला आहे.
हास्यजत्रा टीमचा हा दुबई दौरा सध्या चांगलाच चर्चेत आला आहे. प्रेक्षकच नव्हे तर कलाकारसुद्धा दुबईतील आपल्या चाहत्यांना भेटून भारावून गेले आहेत.. गौरव मोरने दुबईतील स्टेजवरचा त्याचा व्हिडीओ सोशल मीडियावर शेअर केला आहे. गौरवची स्टेजवर एंट्री होताच रसिकांनी त्याचं टाळ्यांच्या कडकडाटात स्वागत केलं आहे.गौरव मोरे सोशल मीडियावर सक्रिय राहणाऱ्या अभिनेत्यांपैकी एक आहे. .गौरवने नुकतंच आपल्या दुबई दौऱ्यामधील एक व्हिडीओ शेअर केला आहे. हा व्हिडीओ शेअर करत अभिनेता स्वतः भावुक झाला आहे.
गौरवची पोस्ट ''एक कलाकार म्हणुन अजुन काय पाहिजे….? मला फार बोलता येत नाही.पण तुम्ही माझ्यावर जे प्रेम केलत,करताय त्याच ऋण कस फेडाव…? हे काही मला सूचत नाहीये…फ़क़्त एवढच बोलु शकतो…. मायबाप प्रेक्षकहो खुप खुप धन्यवाद आणि खुप खुप धन्यवाद दुबई love you.'' गौरवने शेअर केलेला हा व्हिडीओ सोशल मीडियावर चांगलाच व्हायरल होतोय. सेलिब्रेटींसह प्रेक्षकांनी यावर लाईक्स आणि कमेंट्सचा पाऊस पाडलाय.
अभिनय कौशल्याच्या जोरावर गौरवने मराठी चित्रपटसृष्टीतही आपली वेगळी छाप उमटविली आहे. त्याचा फॅन फॉलोव्हिंग मोठा आहे. विनोदी अभिनयाने त्याने रसिकांच्या मनात घर केले आहे.