छोटा पॅकेट, बडा धमाका’ म्हणून ओळखल्या जाणाऱ्या शिवाली परबला (Shivali Parab) सध्याच्या घडीला कोणी ओळखत नाही असा एकही व्यक्ती नाही. ‘महाराष्ट्राची हास्यजत्रा’मधून (Maharashtrachi Hasyajatra) ती प्रेक्षकांचं निखळ मनोरंजन करत आहे. विशेष म्हणजे उत्तम विनोदशैलीसोबतच तिच्या सौंदर्यामुळे आज ती अनेकांच्या मनावर राज्य करते. त्यामुळे सोशल मीडियावर तिची मोठा चाहतावर्ग असल्याचं पाहायला मिळतं. अलिकडेच शिवालीने एक पोस्ट शेअर केली आहे. ही पोस्ट सध्या चाहत्यांमध्ये चर्चेत आली आहे.
सोशल मीडियावर सक्रीय असलेल्या शिवालीने नुकताच एक व्हिडीओ पोस्ट केला आहे. या व्हिडीओमध्ये ती बोलत असलेला डायलॉग चर्चेत येत आहे. विशेष म्हणजे या व्हिडीओमध्ये ती कमालीची ग्लॅमरस दिसत आहे. 'हाऊ डेअर यू , तुम्हारा कोई हक्क नहीं बनता की तूम इतनी खुबसूरत लगो', असं ती या व्हिडीओमध्ये म्हणताना दिसत आहे.
दरम्यान, कल्याणला लहानाची मोठी झालेल्या शिवालीने तिचं शिक्षण शिवालीचा श्रीमती वेणूबाई अंबोपावशे या शाळेमध्ये घेतलं. शाळेत असल्यापासून तिला नृत्य आणि अभिनयाची आवड होती. कॉलेजमध्ये असताना शिवालीने अनेक फेस्टिवल गाजवले आणि तिथूनच शिवालीने अभिनयाला सुरुवात केली. ‘महाराष्ट्राची हास्य जत्रा’मध्ये येण्यापूर्वी शिवाली अनेक नाटकांमध्ये आणि वेब सीरिजमध्ये दिसली. सुरुवातीला शिवालीने ‘हृदयात वाजे समथींगल’ या मालिकेमध्ये काम केलं आणि त्या नंतर शिवाली ‘बँक बँचर’ या वेब सीरिजच्या माध्यमातून प्रेक्षकांच्या भेटीला आली.