झी मराठी वाहिनीवरील ‘माझी तुझी रेशीमगाठ’ (Majhi Tujhi Reshimgath ) या मालिकेनं अल्पावधीत प्रेक्षकांना आपलंस केलं. मालिका आली आणि तुफान लोकप्रिय झाली. मालिकेतील प्रार्थना बेहरे ( Prarthana Behere) व श्रेयस तळपदेची (Shreyas Talpade) मालिकेतील रोमॅन्टिक केमिस्ट्रीही तुफान हिट ठरली. सध्या या मालिकेत यश आणि नेहा अर्थात श्रेयस आणि प्रार्थनाचा रोमॅन्टिक ट्रॅक पाहायला मिळतोय. मध्यंतरी यश-नेहाच्या नात्यामध्ये दुरावा आल्याचं मालिकेमध्ये पाहायला मिळालं.
पण आता सर्व काही सुरळीत सुरु असताना येणाऱ्या भागांमध्ये आपल्याला मोठा ट्विस्ट पाहायला मिळणार आहे. मिथिला खूप आनंदात असते आणि ती गोड बातमी आज़ोबांना सांगायला जाते आणि तिथे मिथिलाच्या अपघात होतो. तर दुसरीकडे यश गाडी चालवत असताना सिम्मी त्याला अपघाताची बातमी सांगते हे ऐकल्यावर यश ला धक्का बसतो त्याच क्षणी यश आणि नेहाच्या गाडीचा अपघात होतो. त्यामुळे येणाऱ्या भागात काय घडणार याची चर्चा होताना दिसत आहे.
काही दिवसांपूर्वी ‘माझी तुझी रेशीमगाठ’ या मालिकेनं प्रेक्षकांचा निरोप घेतला होता. मात्र प्रेक्षकांच्या मागणीमुळे मालिका पुन्हा एकदा सुरू झाली.