झी मराठीवरील 'मन उडू उडू झालं' (Man Udu Udu Zhala) ही मालिका आणि त्यातील व्यक्तिरेखा प्रेक्षकांची मन जिंकत आहे. दिपू आणि इंद्राची जोडी तर गाजतेच आहे पण त्याचसोबत मालिकेतील इतर कलाकार देखील प्रेक्षकांच्या मनाचा ठाव घेत आहेत.अशीच एक व्यक्तिरेखा म्हणजे दिपूची मोठी बहीण सानिका. सानिकांची भूमिका अभिनेत्री रिना अग्रवाल साकारतेय. रिनाची ही पहिलीच मराठी मालिका आहे. रिनाच्या या मालिकेतील भूमिकेला प्रेक्षकांची पसंती मिळताना दिसत आहे. रिना सोशल मीडियावर सक्रीय असून ती खऱ्या आयुष्यात खूपच ग्लॅमरस आहे.
तिचे ग्लॅमरस फोटो सोशल मीडियावर चर्चेत येताना दिसतात. रिनाच्या सोशल मीडिया अकाऊंटवर एक नजर टाकली तर आपल्या सहज लक्षात येतं की रिना किती ग्लॅमरस आहे ते. इन्स्टाग्राम अकाऊंटच्या माध्यमातून चाहत्यांच्या संपर्कात असते. आपले फोटो आणि व्हिडीओ ती शेअर करत असते.
रिनाने हिंदी मालिकांमध्येदेखील काम केले आहे. एजंट राघव या प्रसिद्ध मालिकेतही तिने महत्त्वाची भूमिका साकारली होती. रिना हिंदी आणि मराठी दोन्ही इंडस्ट्रीत काम करत असली तरी तिची सुरुवात ही मराठी इंडस्ट्रीमधूनच झाली आहे. तिने अंजिठा या मराठी चित्रपटाद्वारे तिच्या कारकिर्दीला सुरुवात केली. तसेच तिने अनेक मराठी नाटकांमध्येदेखील काम केले आहे.