अशोक सराफ हे मराठी मनोरंजन विश्वातील दिग्गज अभिनेते म्हणून ओळखले जातात. अशोक सराफ यांना आपण आजवर विविध सिनेमांत अभिनय करताना पाहिलंय. 'अशी ही बनवाबनवी', 'गंमत जंमत', 'धूमधडाका', 'एक डाव धोबीपछाड' अशा लोकप्रिय सिनेमांमध्ये अभिनय करताना पाहिलंय. अशोक सराफ आता लवकरच टेलिव्हिजन क्षेत्रात कमबॅक करत आहे. 'अशोक मा.मा.' या मालिकेतून ते दिसणार आहेत. या मालिकेत त्यांच्यासोबत अभिनेत्री नेहा शितोळे झळकणार आहे. नेहाने सोशल मीडियावर अशोक सराफ यांच्यासोबतचा खास अनुभव शेअर केलाय.
नेहा शितोळेचा खास अनुभव
नेहा शितोळे म्हणते की, "A tree of wisdom, a brilliant actor, a respected legend, an understanding co actor and a new found friend... अशोक मामा माझ्यासाठी हे सगळंच आहेत. ह्या वर्षीची दिवाळी आणि त्यात ही "धनत्रयोदशी" माझ्यासाठी ही लाख मोलाची अनुभव संपन्न आणि आयुष्य उजळून टाकणारी "सराफी पेढी" घेऊन आली आहे... हे वर्ष अनेक कारणांसाठी वेगळं, अवघड, परीक्षा पाहणारं आणि माझ्यात अनेक मूलभूत बदल घडवणारं होतं... पण त्याचं फळ इतकं सुखावह आणि समाधान देणारं असेल ह्याची कल्पना नव्हती... एक नवीन प्रवास लवकरच चालू होत आहे... तुम्ही सगळेच ह्याचे साक्षीदार असणार आहात... लोभ आहेच, तो वृद्धिंगत व्हावा हीच सदिच्छा..."
अशोक मा.मा. नवीन मालिकेची उत्सुकता
दिग्गज अभिनेते अशोक सराफ एका नव्या मालिकेच्या माध्यमातून छोट्या पडद्यावर दमदार कमबॅक करत आहेत. विशेष म्हणजे या मालिकेचे नावदेखील "अशोक मा.मा." असे हटके आहे. त्यामुळे मालिकेत नेमकं काय पाहायला मिळणार, अशोक सराफ यांच्याशिवाय आणखी कोणते पात्र असणार, मालिकेची कथा काय असणार, हे सर्व जाणून घेण्यासाठी प्रेक्षक उत्सुक आहेत. लवकरच ही मालिका कलर्स मराठीवर पाहायला मिळेल.