मराठमोळी अभिनेत्री प्रार्थना बेहरे (Prarthana Behere) ही लोकप्रिय अभिनेत्री. प्रार्थना ही एक उत्तम अभिनेत्री आहे, तिचे लाखो चाहते आहेत. सोशल मीडियावरही प्रार्थना प्रचंड अ‍ॅक्टिव्ह आहे. आता तिने नणंदेसाठी खास पोस्ट शेअर केली आहे.होय, प्रार्थना बेहरेची नणंद पल्लवी भिडे हिचा आज वाढदिवस आहे. वाढदिवसाचं औचित्य साधत प्रार्थनानं नणंदबाईसाठी एक खास पोस्ट शेअर केली आहे. नणंदबाईसोबतचा एक गोड फोटोही तिने शेअर केला आहे. ‘सर्वात सुंदर बहिण असलेल्या माझ्या नणंदेला आणि माझ्या खास मैत्रिणीला वाढदिवसाच्या हार्दिक शुभेच्छा,’ असं तिने पोस्टमध्ये म्हटलं आहे.
प्रार्थना किती सुंदर आहे, हे तुम्हाला ठाऊक आहेच. पण प्रार्थनाची नणंदबाई पल्लवी सुद्धा कमी सुंदर नाही. तिचे ग्लॅमरस फोटो पाहून तुम्ही देखील तिच्या प्रेमात पडाल. प्रार्थना व पल्लवी दोघींत नणंद-भावजयीचं नातं असलं तरी दोघी मैत्रिणीसारख्या राहतात.
पल्लवीने तिच्या इन्स्टाग्राम अकाऊंटवर वहिनीसोबतचे अनेक फोटो शेअर केले आहेत. या फोटोत प्रार्थना व पल्लवी या दोघींतील बॉन्डिंग स्पष्ट दिसतं. प्रार्थना बेहेरेचं अरेंज मॅरेज आहे. प्रार्थनाने आपल्या आई-वडिलांच्या पसंतीच्या मुलाशी लग्न केलं आहे.
एका मॅरेज ब्युरोच्या मदतीने प्रार्थना बेहेरे आणि अभिषेक जावकर यांची ओळख झाली. त्यानंतर प्रार्थना आणि अभिषेक 14 नोव्हेंबर 2017 मध्ये विवाहबंधनात अडकले. प्रार्थना आणि अभिषेक मराठी चित्रपटसृष्टीतील क्युट कपल म्हणून देखील ओळखलं जातं.
अभिषेक हा साऊथ इंडस्ट्रीतील प्रसिद्ध वितरक म्हणून ओळखला जातो. लेखक, दिग्दर्शक व निर्माता अशीही त्याची ओळख आहे. प्रार्थना सध्या ‘माझी तुझी रेशीमगाठ; या मालिकेत नेहाची भूमिका साकारते आहे. या मालिकेत श्रेयश तळपदेसोबत ती मुख्य भूमिकेत आहे.