‘माझी तुझी रेशीमगाठ’ या मालिकेच्या माध्यमातून घराघरात पोहोचलेली मराठमोळी अभिनेत्री म्हणजे प्रार्थना बेहरे (Prarthana Behere). उत्तम अभिनयासह प्रार्थना तिच्या सौंदर्यामुळेही चर्चेत येत असते. त्यामुळे सोशल मीडियावर कायम तिची चर्चा रंगते. इतकंच कशाला सोशल मीडियावरही तिचे फोटो, व्हिडीओ, रिल्स क्षणार्धात व्हायरल होतात. सध्या तिचा असाच एक व्हिडीओ चर्चेत आला आहे.
सोशल मीडियावर सक्रीय असलेल्या प्रार्थनाने नुकताच इन्स्टाग्रामवर एक व्हिडीओ शेअर केला आहे. या व्हिडीओमध्ये तिने पारंपरिक दागदागिने घालून छान नऊवारी साडी नेसली आहे. सोबतच देवदास सिनेमातील 'बैरी पिया बड़ा बेदर्दी..' हे गाणं तिने बॅकग्राऊंडला प्ले केलं आहे. या व्हिडीओमध्ये प्रार्थना प्रचंड मनमोहक एक्सप्रेशन्स देत असून तिच्या नजरेच्या कटाक्षाने अनेक जण घायाळ झाले आहेत. त्यामुळे सध्या तिच्या या व्हिडीओवर नेटकरी तुफान कमेंट करत आहेत.
दरम्यान, प्रार्थना सोशल मीडियावर अॅक्टीव्ह असून कायम तिच्या प्रोफेशनल लाइफसह पर्सनल आयुष्यातील गोष्टी चाहत्यांसोबत शेअर करत असते. माझी तुझी रेशीमगाठ या मालिकेमुळे प्रार्थना विशेष प्रकाशझोतात आली. मात्र, त्यापूर्वी तिने अनेक गाजलेल्या सिनेमा, हिंदी मालिकांमध्ये काम केलं आहे. यात पवित्र रिश्ता, क्राइम पेट्रोल या हिंदी मालिकांमध्ये काम केलं आहे. तर, मितवा, कॉफी आणि बरंच काही, बॉडीगार्ड, मिस्टर ॲन्ड मिसेस सदाचारी, फुगे, वजा तुम हो,ती ॲन्ड ती, वॉट्सॲप लग्न अशा हिंदी, मराठी सिनेमांमध्येही ती झळकली आहे.