'महाराष्ट्राची हास्यजत्रा' या कार्यक्रमाच्या माध्यमातून घराघरात पोहोचलेली लोकप्रिय अभिनेत्री म्हणजे प्रियदर्शनी इंदलकर (Priyadarshini Indalkar). आपल्या विनोदबुद्धीच्या जोरावर प्रियदर्शनीने अल्पावधीत प्रेक्षकांना आपलंसं केलं आहे. त्यामुळे सोशल मीडियावर तिची कायम चर्चा रंगत असते. सध्या प्रियदर्शनी महाराष्ट्राची हास्यजत्राच्या निमित्ताने अमेरिका दौऱ्यावर आहे. येथील अनेक फोटो, व्हिडीओ तिने चाहत्यांसोबत शेअर केले आहेत. यामध्येच तिच्या एका फोटवर नेटकऱ्यांनी भन्नाट कमेंट केल्या आहेत.
प्रियदर्शनीने या अमेरिका दौऱ्यामध्ये अनेक नवनवीन ठिकाणांना भेट दिली. यात ती एका बीचवरही गेली होती. या बीच वरील काही फोटो तिने इन्स्टाग्रामवर शेअर केले तिचे हे फोटो पाहिल्यावर त्यावर नेटकऱ्यांनी भन्नाट कमेंट केल्या आहेत.
काही जणांनी प्रियदर्शनीचं कौतुक केलं आहे. तर, काहींनी मात्र तिच्या पायावरुन तिला ट्रोल केलं आहे. तुझे पाय किती लांब आहेत, असं एका नेटकऱ्याने म्हटलं आहे. तर, एवढे लांब पाय असतील तर सातासमुद्रापार सहज जाता येईल, असंही काही नेटकऱ्यांनी म्हटलं आहे.
दरम्यान, प्रियदर्शनीचा हा फोटो फ्लोरिडामधील एका बीचवरचा आहे. या फोटोमध्ये प्रियदर्शनीने वेगवेगळ्या पोझ दिल्या आहेत. मात्र, तिच्या या फोटोची काहींनी खिल्ली उडवली आहे.