आज देशभरात हिंदू नववर्ष आणि गुढी पाडवाचा आनंद मोठ्या उत्साहात साजरा केला जातोय. सर्वसामान्यांपासून ते मराठी सेलिब्रेटीपर्यंत प्रत्येकजण आज गुढी पाडवा साजरा करतोय. अभिनेत्री प्रार्थना बेहेरे आपल्या चाहत्यांना गुढीपाडव्याच्या शुभेच्छा दिल्या. वी सकाळ, नवी उमेद, नवे संकल्प, नवा आनंद..तुम्हाला आणि तुमच्या संपूर्ण परिवाराला गुडी पाडव्याच्या शुभेच्छा अशी पोस्ट तिने शेअर केलीय. यासोबत आपले साडीतलं सुंदर फोटोही तिने शेअर केलंत. प्रार्थनाचे चाहतेही तिला गुढीपाडव्याच्या शुभेच्छा देतायेत.
प्रार्थना सध्या झी मराठीवरील लोकप्रिय मालिका 'माझी तुझी रेशमगाठ'मध्ये नेहाची भूमिका साकारते आहे. या मालिकेतील तिची आणि श्रेयस तळपदेची केमिस्ट्री प्रेक्षकांना आवडते आहे. नेहा आणि यश यांचं नातं एका नव्या वळणावर आलंय. नेहा आणि यश यांच्या नात्याविषयी आजोबांना यश सारं काही सांगतो. यात नेहाचं पहिलं लग्न झालं आहे असंही तो सांगतो. मात्र, या प्रसंगानंतर आजोबा अचानक जमिनीवर कोसळतात. नेहाच्या पहिल्या लग्नाविषयी त्यांना कळल्यानंतरही ते नेहाचा सून म्हणून स्वीकार करण्यास तयार होतात. मात्र आजोबांना नेहाला परी ही एक मुलगी असल्याचं सत्यही आजोबांना अद्याप माहित नाही.
प्रार्थना मराठी कलाविश्वातील लोकप्रिय अभिनेत्री आहे. यापूर्वी तिने अनेक गाजलेल्या चित्रपट आणि हिंदी मालिकांमध्ये काम केलं आहे. छोट्या पडद्यापासूनच प्रार्थनाने तिच्या करिअरची सुरुवात केली आहे.