छोट्या पडद्यावर विशेष गाजत असलेली लोकप्रिय मालिका म्हणजे 'आई कुठे काय करते' (aai kuthe kay karte). आतापर्यंत या मालिकेत अनेक रंजकदार वळणं आली असून दिवसेंदिवस या मालिकेत नवनवीन ट्विस्ट पाहायला मिळत आहेत. या मालिकेत अरुंधतीसोबतच आणखी एक भूमिका तुफान गाजली ती म्हणजे संजनाची. अभिनेत्री रुपाली भोसले ही भूमिका साकारत असून तिला चांगलीच लोकप्रियता मिळाली आहे. परंतु, या भूमिकेसाठी रुपाली मेकर्सची पहिली पसंती नव्हती.
रुपाली भोसलेने संजनाही भूमिका उत्तमरित्या साकारली आहे. त्यामुळे आज घराघरात ही भूमिका लोकप्रिय झाली. परंतु, संजनापूर्वी मेकर्सने एका दुसऱ्याच अभिनेत्रीला पसंती दिली होती. मात्र, काही कारणास्तव या अभिनेत्रीने ही भूमिका करण्यास नकार दिला.
सोशल मीडियावर सध्या एक पोस्ट व्हायरल होत आहे. या पोस्टमध्ये अभिनेत्री सुलेखा तळवलकर हिला संजनाची भूमिका ऑफर करण्यात आली होती. मात्र, काही कारणास्तव सुलेखाने ही ऑफर नाकारली.
दरम्यान, संजना ही भूमिका आज छोट्या पडद्यावर विशेष गाजत आहे. खरं पाहता नकारात्मक भूमिका असूनही तिने प्रेक्षकांची लोकप्रियता मिळवली आहे. तर, सुलेखा तळवलकर यांनी आजवर अनेक मालिकांमध्ये काम केलं आहे. यात तिची प्रत्येक भूमिका गाजली असून खलनायिकी भूमिकेला प्रेक्षकांनी विशेष पसंती दिली. सुलेखा तळवलकर यांचं एक युट्यूब चॅनेल आहे. यात दिल के करीबच्या माध्यमातून ते सेलिब्रिटींच्या मुलाखती घेत असतात.