छोट्या पडद्यावरील 'होणार सून मी ह्या घरची' ही मालिका प्रचंड गाजली. या मालिकेतील श्री आणि जान्हवीची जोडी प्रेक्षकांच्या विशेष पसंतीस उतरली होती. या मालिकेत 'श्रीरंग गोखले' ही व्यक्तिरेखा साकारुन अभिनेता शशांक केतकर घराघरात पोहोचला. या मालिकेने त्याला प्रसिद्धी मिळवून दिली. शशांक सोशल मीडियावरही प्रचंड सक्रिय असल्याचं पाहायला मिळतं. सध्या शशांक त्याच्या एका पोस्टमुळे चर्चेत आला आहे.
शशांकने त्याच्या इन्स्टाग्राम अकाऊंटवरुन एका बस स्टॉपचा फोटो शेअर केला आहे. या फोटोमध्ये पेंग्विनचं चित्र असून त्यावर "रांगेत चला', असं लिहिलेलं दिसत आहे. या पोस्टला शशांकने "आता मला खरं खरं सांगा…बस स्टॉपवर रांगेत उभे राहा, हे सांगण्यासाठी पेंग्विन वापरायची काय गरज होती," असं कॅप्शन त्याने फोटोला दिलं आहे. या पोस्टमध्ये शशांकने महाराष्ट्र, पॉलिटिक्स हे हॅशटॅगही दिले आहेत. त्याच्या या पोस्टने सगळ्यांचं लक्ष वेधून घेतलं आहे. शशांकच्या या पोस्टवर अनेकांनी कमेंटही केल्या आहेत.
"योगी आदित्यनाथ यांच्या भूमिका मला पटतात", प्रसिद्ध मराठी अभिनेत्रीचं वक्तव्य चर्चेत
"घरभाडं द्यायलाही माझ्याकडे पैसे नव्हते, पण...", मराठी अभिनेत्याने सांगितला 'तो' कटू प्रसंग
शशांकने अनेक चित्रपटांमध्येही काम केलं आहे. होणार सून मी ह्या घरची या मालिकेबरोबरच सुखाच्या सरींनी हे मन बावरे, पाहिले न मी तुला या मालिकेतील त्याच्या भूमिकेने प्रेक्षकांचं लक्ष वेधून घेतलं आहे. सध्या तो स्टार प्रवाह वाहिनीवरील मुरांबा या मालिकेत मुख्य भूमिका साकारुन प्रेक्षकांचं मनोरंजन करत आहे.