काही दिवसांपूर्वीच छोट्या पडद्यावर 'नवा गडी नवं राज्य' ही नवीन मालिका प्रेक्षकांच्या भेटीला आली. विशेष म्हणजे उत्तम कथानकाच्या जोरावर या मालिकेने प्रेक्षकांना आपलंसं केलं. त्यामुळे अल्पावधीत ही मालिका लोकप्रिय झाली. सध्या या मालिकेत राघव आणि आनंदी यांच्या जीवनात अनेक चढउतार येत आहेत. यामध्येच आता मालिकेत अभिनेत्री अदिती सारंधर एन्ट्री होणार आहे.
'नवा गडी नवं राज्य' या मालिकेतील राघव, आनंदी, रमा, चिंगी, सुलक्षणा ताई आणि अन्य कलाकारांनी अल्पावधीत लोकप्रियता मिळवली आहे. या कलाकारांच्या उत्तम अभिनयामुळे ही मालिका दिवसेंदिवस लोकप्रिय झाली. त्यामुळेच या मालिकेत नेमकं कधी काय घडणार हे जाणून घेण्याची चाहत्यांना कमालीची उत्सुकता असते. अभिनेत्री अदिती सारंधर मालिकेत केमिओ रोल दाखवला जाणार आहे. अदितीच पात्र खूप साध्य सरळ गृहिणीचं आहे. प्रेक्षकांनी नुकतेच प्रोमो मध्ये बघितले कि आनंदी मोदक द्यायला एका घरात जाते आणि तिला त्या घरातली स्त्री आत मधून थांबा हं, बस असे सांगते कारण ती घरकामात व्यस्त असते.
हे बघून आनंदीला खूप वाईट वाटते आणि जाणीव होते कि मी पण आपल्या माणसंसाठी असेच करायचे आणि आता ते मी करूच शकत नाही. तिची ही घालमेल अदितीच्या लक्षात येते आणि ती आनंदीला एक मोलाचा सल्ला देते.अदितीचा हा सल्ला आनंदीच्या आयुष्याला कलाटणी देईल का ? हे यापुढे बघण्यासारखं ठरणार आहे.