छोट्या पडद्यावरील ‘नवा गडी नवं राज्य’ ही मालिका प्रेक्षकांच्या भलतीच पसंतीस पडतं आहे. या घरातील कर्णिक कुटुंब अर्थात आनंदी, राघव, रमा, चिंगी ही पात्र अगदी प्रेक्षकांना घरातल्यासारखीच वाटू लागली आहेत. एखादा कौटुंबिक नाजूक विषय इतक्या छान पद्धतीने कसा हाताळला जाऊ शकतो याचं उत्तम उदाहरण या मालिकेतून पाहायला मिळत आहे. मालिकेच्या कथेत अनेक भावनिक बंध आता उलगडताना पाहायला मिळत आहेत. लवकरच मालिकेत एक नवा ट्रॅक सुरू होणार आहे.
आनंदी आणि राघवच्या नात्याला आता एक वेगळी दिशा मिळत असतानाच मालिका आता एका रोमांचक वळणावर आहे. राघव आणि चिंगी आनंदीसाठी एक स्टुडिओ भेट म्हणून देतो. रमा राघव आणि आनंदीच्या आयुष्यातून जाण्याचा निर्णय घेते.
आनंदी रमाच्या अपूर्ण इच्छा पूर्ण करण्यासाठी प्रयत्न करतेय, त्यात रमा आनंदीला तिच्या मृत्यूचं खरं कारण सांगते. रमाच्या सांगण्यानुसार या सगळ्यात राघवचा काहीच दोष नाही, हे रमाला राघवला सांगण्याची इच्छा आहे. आता आनंदी राघवला रमाला भेटण्यासाठी मदत करेल? आणि रमाच्या मृत्युमागील खरं कारण कळल्यावर काय असेल आनंदीची प्रतिक्रिया? या सर्व प्रश्नांची उत्तर आपल्याला लवकरच मिळणार आहेत.