छोट्या पडद्यावर सध्या गाजत असलेली मालिका म्हणजे सहकुटुंब सहपरिवार (Sahakutumb Sahapariwar). या मालिकेतील प्रत्येक कलाकाराने आपल्या उत्तम अभिनयामुळे प्रेक्षकांच्या मनात हक्काचं स्थान निर्माण केलं आहे. सुनील बर्वे, किशोरी अंबिये, कोमल कुंभार, नंदिता पाटकर हे कलाकार यात मुख्य भूमिका साकारत आहेत. आता लवकरच या मालिकेत एका नव्या अभिनेत्याची एंट्री होणार आहे.
अंजीला नाटकात काम करण्याची परवानगी पश्याने दिली आहे.या नव्या एंट्रीमुळे अंजी आणि पश्याच्या नात्यावर देखील काही परिणाम होणार नाही ना याची चिंता देखील प्रेक्षकांना लागली आहे. सहकुटुंब सहपरिवार मालिकेत हा अभिनेता अंजीच्या मित्राची भूमिका साकारणार आहे. ऐवढंच नाही तर तोच अंजीचा नाटकात हीरोदेखील असणार आहे.
सहकुटुंब सहपरिवार मालिकेत एंट्री घेणाऱ्या अभिनेत्याचे नाव तुषार कावळे (Tushar Kawale ) असे आहे.सोशल मीडियावर देखील तो प्रचंड सक्रिय असतो. त्याचे विविध फोटो आणि व्हिडिओ तो चाहत्यांसोबत शेअर करत असतो.फिटनेसच्या बाबतीत तुषार खूपच सजग असल्याचे त्यांच्या इन्स्टा पोस्टवरुन लक्षात येतं. तुषारने हिंदी मालिकांमध्ये देखील अभिनयाची छाप सोडली आहे.