​प्रेक्षकांच्या भेटीला नवी अक्षरा?

ये रिश्ता क्या कहलाता है या मालिकेत नैतिकची भूमिका साकारणाऱ्या करण मेहराने काही दिवसांपूर्वी प्रेक्षकांचा निरोप घेतला. त्याने तब्येतीच्या कारणावरून ही मालिका सोडली. नैतिकनंतर अक्षरा म्हणजेच हिना खान ही मालिका सोडणार असल्याची चर्चा आहे. या मालिकेत सध्या अक्षराच्या कथेपेक्षा नवीन पिढीच्या कथेवर अधिक लक्ष केंद्रित केले जात आहे आणि हीच गोष्ट हिना खानला रुचत नसल्याचे म्हटले जात आहे. कथेत करण्यात आलेल्या बदलामुळे तिचे महत्त्व कमी झाले असल्याचे तिचे म्हणणे आहे. यामुळे ती 2 ऑक्टोबरनंतर मालिकेचे चित्रीकरण करणार नाही अशी सध्या चर्चा सुरू आहे. हिना मालिका सोडते की नाही हे काहीच दिवसांत कळेल.