​एक था राजा एक थी राणी या मालिकेत आकाश तलवार दिसणार इशा सिंगच्या प्रियकराच्या भूमिकेत

एक था राजा एक थी राणी या मालिकेच्या कथानकाला नुकतेच एक वळण मिळाले आले. या मालिकेने काही वर्षांचा लीप घेतला असून या मालिकेची कथा काही वर्षं पुढे गेली आहे. आता लीपनंतर या मालिकेत अनेक नवीन एंट्री प्रेक्षकांना पाहायला मिळणार आहेत. या मालिकेत आता आकाश तलवार येणार असून त्याने याआधी प्यार तुने क्या किया, इच्छाधारी नागिन, इश्क का रंग सफेद यांसारख्या मालिकांमध्ये काम केले आहे. त्याच्या एंट्रीनंतर मालिकेच्या कथानकात अनेक नव्या गोष्टी प्रेक्षकांना पाहायला मिळणार आहेत. आकाशने याआधीच्या अनेक मालिकांमध्ये रोमँटिक भूमिका साकारल्या आहेत. तो याही मालिकेत एका रोमँटिक भूमिकेतच प्रेक्षकांना पाहायला मिळणार आहे. आकाश या मालिकेमध्ये राणीच्या म्हणजेच इशा सिंगच्या बालपणीच्या मित्राची भूमिका साकारणार आहे. या मालिकेबद्दल आकाश सांगतो, "ही मालिका मी नियमितपणे पाहातो. या मालिकेतील सरताज गिल आणि इशा सिंग यांच्या अभिनयाचा मी चाहता आहे." ही भूमिका माझ्यासाठी आव्हानात्मक असल्याने मी या भूमिकेवर सध्या प्रचंड मेहनत घेत आहे. एक था राजा एक थी राणी या मालिकेच्या पुढील भागात राणीच्या साखरपुड्याची तयारी प्रेक्षकांना पाहायला मिळणार आहे. कुंदन हा राणीचा बालपणीचा मित्र असून त्याच्यासोबत तिने लग्न करावे अशी तिच्या घरातल्यांची इच्छा आहे आणि त्यामुळे ते त्या दोघांचा साखरपुडा ठरवणार आहेत. पण त्याचवेळी राज म्हणजेच सरताज सिंग राणीला धडा शिकवण्यासाठी आणि खंडणी उकण्यासाठी तिचे अपहरण करण्याची योजना आखणार आहे.