पिंकीचा विजय असो’( Pinki Cha Vijay Aso) मालिकेत युवराजची भूमिका साकारणारा अभिनेता विजय आंदळकरच्या घरी चिमुकलीचं आगमन झालं आहे. अभिनेता विजय आंदळकर (Vijay Andalkar)आणि आणि अभिनेत्री रुपाली आईबाबा झाले आहेत. विजयनं सोशल मीडियावर पोस्ट शेअर करत ही आनंदाची बातमी चाहत्यांना दिली आहे.
विजयनं सोशल मीडियावर बाप झालो..लक्ष्मी घरी आली रे..अशी पोस्ट त्याने सोशल मीडियावर शेअर केली. अभिनेत्याच्या पोस्टवर चाहत्यांसह सेलिब्रेटींनी अभिनंदनचा वर्षाव केला आहे. सोशल मीडियावर त्याची ही पोस्ट लगेच व्हायरल झालीय. काही दिवसांपूर्वीच रूपालीच्या डोहाळे जेवणचं फोटो सोशल मीडिया अकाऊंटवर शेअर केले होते.
रुपाली आणि विजयची भेट झी मराठीवरील ‘लग्नाची वाइफ वेड्डिंगची बायकू’ या मालिकेच्या सेटवर झाली. यात रुपालीनं काजोलची तर विजयनं मदनची भूमिका साकरली होती. विजय आंदळकरने वर्तुळ, स्वराज्यरक्षक संभाजी, बाजीराव मस्तानी, 702 दीक्षित, मिस्टर अँड मिसेस सदाचारी, गोठ, प्रेमा तुझा रंग कसा या चित्रपट आणि मालिकेतून तो महत्वाच्या भूमिका साकारताना दिसला होता. बहुतेक चित्रपट आणि मालिकेतून तो नकारात्मक भूमिका देखील साकारताना दिसला आहे.