शाहरुख खानच्या पठाण (Pathaan) सिनेमातील बेशरम रंग (Besharam Rang) गाणे रिलीज झाले आणि एकच चर्चा सुरु झाली. या गाण्यामुळे झालेला वाद एवढा वाढला की थेट सिनेमा बॉयकॉट करण्याची मागणी जोर धरु लागली. एकीकडे गाण्याला विरोध करणारे आहेत तसेच दुसरीकडे गाणं आवडणारेही काही आहेत. आता हेच बघा मराठमोळी अभिनेत्री प्रार्थना बेहरेलाही 'बेशरम रंग' गाण्याने भुरळ घातली आहे.
प्रार्थना बेहरे सोशल मीडियावर सतत अॅक्टिव्ह असते. तिचे फोटो, व्हिडिओ, रील्स व्हायरल होत असतात. पारंपारिक असो किंवा वेस्टर्न कोणत्याही लुक मध्ये प्रार्थना छानच दिसते. तर सध्या बेशरम रंग हे वादग्रस्त गाणं प्रार्थनाचं आवडीचं असल्याचं दिसतंय. या गाण्यावर तिने एक रील पोस्ट केले असून ते व्हायरल होत आहे. मोकळे केस, थोडा मेकअप आणि बेबी पिंक ऑफ शोल्डर जंपसूट मध्ये प्रार्थनाने हे बेशरम रंग गाण्यावर रील बनवले आहे. तिच्या कातिल अदा पाहून चाहते कमेंट बॉक्समध्ये तुटून पडलेत.
प्रार्थनाच्या या व्हिडिओवर चाहते फिदा झालेत. किती सुंदर दिसतेय, तुला नजर लागू नये अशा कमेंट्स तिच्या व्हिडिओवर येत आहेत. एकाने तर गाण्यात दीपिका नाही तर तूच हवी होतीस अशी कमेंट केली आहे. प्रार्थना सध्या माझी तुझी रेशीमगाठ या मालिकेत व्यस्त आहे. प्रचंड गाजत असून प्रार्थना आणि श्रेयस तळपदेची जोडीही हिट झाली आहे.