एकेकाळी आपल्या आवडत्या कलाकारासोबत भेटण्यासाठी वा त्याची एक झलक पाहण्यासाठी चाहत्यांना मोठी कसरत करावी लागत होती. मात्र आता सोशल मीडियामुळे कलाकार आणि चाहते यांच्यातील हा दुरावा फार कमी झाला आहे. अनेक कलाकार त्यांच्या जीवनातील लहानसहान किस्से, दैनंदिन अपडेट चाहत्यांसोबत शेअर करत असतात. यामध्येच सध्या एका लोकप्रिय अभिनेत्रीचा फोटो चर्चेत येत आहे.
'राजा रानीची गं जोडी' (Raja ranichi ga jodi) या गाजलेल्या मालिकेत महत्त्वपूर्ण भूमिका साकारलेल्या अभिनेत्रीने मध्यंतरी तिचा एक फोटो शेअर केला होता. विदुषकाच्या गेटअपमध्ये फोटो शेअर करत तिने जागतिक हास्य दिनाच्या शुभेच्छा दिल्या होत्या. विशेष म्हणजे तिचा हाच फोटो सध्या सोशल मीडियावर व्हायरल होत आहे. इतकंच नाही तर ती नेमकी कोण आहे असा प्रश्नही अनेकांना पडला आहे.
सोशल मीडियावर व्हायरल होत असलेला फोटो अभिनेत्री अंकिता निक्रड (Ankita Nikrad) हिचा आहे. अंकिताने राजा रानीची गं जोडी या मालिकेत सुजित ढालेपाटील याच्या पत्नीची अपर्णाची भूमिका साकारली होती.
दरम्यान, अंकिता अल्पावधीत लोकप्रिय झालेली अभिनेत्री आहे तिने राजा रानीची गं जोडी व्यतिरिक्त सन मराठीवरील सुंदरी या मालिकेतही काम केलं आहे. अंकिताने ज्ञानेश भुकेले याच्यासोबत लग्न केलं असून ज्ञानेश हा लेखक, पत्रकार आणि व्याख्याता म्हणून ओळखला जातो.