Rakhi Sawant Academy : ड्रामा क्वीन राखी सावंतच्या (Rakhi Sawant) आयुष्यात रोज काही ना काही घडामोडी घडतच असतात. राखी स्वत:च सोशल मीडियातून याची माहिती देत असते. सध्या तिचा पती आदिल खान तुरुंगात आहे. त्याला जामीन मिळू नये म्हणून राखी रोजच कोर्टात चकरा मारत होती. आता मात्र राखीला कामावर लक्ष केंद्रित करायचं आहे. राखीने दुबईत अभिनयाची अॅकॅडमी सुरु केली आहे. त्याच्याच उद्घाटनासाठी ती दुबईला रवाना झाली आहे. 'राखी सावंत अॅकॅडमी' असं तिच्या अॅकॅडमीचे नाव आहे.
instantbollywood यांनी पोस्ट केलेल्या व्हिडिओत राखी सावंत विमानतळावर पोहोचली आहे. यामध्ये ती म्हणते, 'जे व्हायचं ते झालं आता मात्र मला कामावर लक्ष केंद्रित करायचं आहे. आता मी कामाबाबतीत खूप सकारात्मक झाली आहे. आता मी कामावर हल्लाबोल करेन.'
याशिवाय राखीने तिच्या इन्स्टाग्राम अकाऊंटवरुन एक व्हिडिओ शेअर केला आहे. ती सांगते, 'मी दुबईला निघाले आहे. तुम्ही उत्सुक आहात का, राखी सावंत अॅकॅडमी सुरु होत आहे. लवकरात लवकर अॅकॅडमी जॉईन करा. चला मी पण बघते मला भेटायला अॅकॅडमीमध्ये दुबईतून कोण कोण येतंय.
गेल्या काही दिवसांपासून राखी सावंत केवळ ट्रोल होत आहे. नुकतेच तिने एका गाण्याच्या अल्बमसाठीही शूट केले. तर दुसरीकडे तिने पतीवर मारहाणीचा आरोप केल्यानेही ती चर्चेत आहे. आता राखी सावंत अॅकॅडमीमध्ये ती नेमका काय अभिनय शिकवणार आणि याला कसा प्रतिसाद मिळणार याकडे सर्वांचं लक्ष लागलं आहे.