मालिकाविश्नात वेगवेगळे प्रयोग होत आहेत. गेल्या काही दिवसांत टीआरपीमुळे अनेक मालिकांनी प्रेक्षकांचा निरोप घेतला आहे. आता ‘रंग माझा वेगळा’ ही छोट्या पडद्यावरील लोकप्रिय मालिका प्रेक्षकांचा निरोप घेणार आहे.
३० ऑक्टोबर २०१९ पासून स्टार प्रवाहवर सोमवार ते शनिवार रात्री ८ वाजता ही मालिका प्रसारित झाली. अल्पावधीतच ही मालिका प्रेक्षकांच्या पसंतीस उतरली. पण हळूहळू मालिकेचं कथानक लांबवलं गेलं आणि प्रेक्षक नाराज झाले. मालिकेतील कलाकारांनी त्यांचे शेवटच्या शूटिंगच्या दिवसाचे काही फोटो सोशल मीडियावर शेअर केले आहेत.
मालिकेत भूमिका साकरणारी दीपा म्हणजे अभिनेत्री रेश्मा शिंदेनं इन्स्टाग्राम शेवटच्या दिवसाचे फोटो शेअर केले आहेत.
तर मालिकेतील श्वेता म्हणजेच अभिनेत्री अनघा अतुलनेही इन्स्टाग्रामवर पोस्ट केली आहे.
‘रंग माझा वेगळा’ या मालिकेने गेली अनेक वर्ष प्रेक्षकांच्या मनावर राज्य केलं आहे. काही काळ टिआरपीवर देखील या मालिकेने वर्चस्व गाजवलं. मालिकेतील दीपा, कार्तिक, सौंदर्या इनामदार, आयेश, श्वेता ही पात्र प्रेक्षकांची आवडती राहिली.
आता ‘रंग माझा वेगळा’ या मालिकेची जागा तेजश्री प्रधानची 'प्रेमाची गोष्ट' ही मालिका घेणार असल्याची चर्चा आहे. या मालिकेचा प्रोमो आऊट झाला आहे. या मालिकेचा प्रोमो पाहून ही मालिका 'ये है मोहेब्बतें' या हिंदी मालिकेचा रिमेक असल्याचं नेटकरी म्हणत आहेत.