छोट्या पडद्यावर गाजलेली मालिका म्हणजे रंग माझा वेगळा (rang maza wegala). ही मालिका संपून आता बरेच दिवस झाले आहेत. मात्र, त्यातील कलाकार अजूनही प्रेक्षकांमध्ये चर्चेत येत आहेत. यात सध्या मालिकेतील एका लोकप्रिय अभिनेत्रीची चर्चा रंगली आहे. या अभिनेत्रीच्या घरी लवकरच सनईचे सूर घुमणार आहेत. ही अभिनेत्री दुसरी तिसरी कोणी नसून अनघा अतुल आहे.
'रंग माझा वेगळा' या मालिकेत श्वेता ही ग्रे शेड भूमिका साकारुन नावारुपाला आलेल्या अनघाच्या घरी लग्नाच्या धावपळीला सुरुवात झाली आहे. इन्स्टाग्राम स्टोरीमध्ये एक पोस्ट शेअर करत तिच्या घरी लग्नकार्य होणार असल्याचं तिने सांगितलं आहे. विशेष म्हणजे नुकताच तिच्या घरी सुपारी फोडण्याचा कार्यक्रमही झाला.
अभिनेत्रीच्या घरी सुरु असलेली ही लग्नाची धावपळ तिच्या लग्नाची नसून तिच्या भावाच्या लग्नाची आहे. अनघाला एक सख्खा भाऊ असून अखिलेश भगरे असं त्याचं नाव आहे. नुकतीच अखिलेशच्या लग्नाची सुपारी फुटली आहे.
अनघाने इन्स्टाग्राम स्टोरीमध्ये अखिलेश आणि तिच्या होणाऱ्या वहिनीचा फोटो शेअर करत त्यांना शुभेच्छा दिल्या आहेत. सोबतच 'चला सुपारी फुटली एकदाची, अभिनंदन अखिलेश आणि वैष्णवी, तुम्हा दोघांना खूप सारे प्रेम', असं कॅप्शन तिने या फोटोला दिलं आहे.
दरम्यान, अनघा लोकप्रिय अभिनेत्री असून रंग माझा वेगळा या मालिकेनंतर ती कलर्स वाहिनीवर झळकत आहे. पिरतीचा वनवा उरी पेटला या मालिकेत मनाली ही भूमिका साकारताना ती दिसत आहे. अनघ्या अभिनेत्री असण्यासोबतच व्यावसायिक सुद्धा आहे. पुण्यात तिचं 'वदनी कवळ' हे हॉटेल सुद्धा आहे.