‘बिग बॉस 13’ लवकरच सुरु होणार आहे. प्रेक्षक या शोची आतुरतेने प्रतीक्षा करत आहेत. साहजिकच बिग बॉसच्या घरात जाणा-या स्पर्धकांच्या नावांची चर्चा जोरात आहे. यातलेच एक नाव म्हणजे, ‘उतरन’ या मालिकेमुळे नावारूपास आलेली टीव्ही अभिनेत्री रश्मी देसाई. सूत्रांचे मानाल तर रश्मी बिग बॉसच्या घरात जाणार आहे. इतकेच नाही तर बिग बॉसच्या घरात लग्नही करणार आहे.होय, रश्मी देसाई तिचा बॉयफ्रेन्ड अरहान खानसोबत बिग बॉसच्या घरात लग्न करणार असल्याचे कळतेय. आधी रश्मी घरात एन्ट्री घेईल. यानंतर अरहान बिग बॉसच्या घरात जाईल. यानंतर बिग बॉसच्या घरात दोघांचा विवाह सोहळा होईल.
‘उतरन’ या मालिकेत तिने तपस्याची भूमिका साकारली होती. ही भूमिका नकारात्मक असली तरी या भूमिकेने रश्मीला खरी ओळख दिली. यानंतर फिर कोई है, इश्क का रंग सफेद, दिल से दिल तक, परी हूं मैं या मालिकेत ती दिसली. नच बलिए आणि झलक दिखला जा या डान्स रिअ‍ॅलिटी शोमध्येही ती दिसली. 2012 मध्ये तिने अभिनेता नंदीश संधूसोबत लग्न केले होते. पण चार वर्षांनंतर दोघांनीही घटस्फोट घेतला.