Abdu Rozik : तझाकिस्तानवरुन भारतात आलेला आणि अल्पावधितच लोकप्रिय झालेला अब्दु रोझिक सोशल मीडियावर सक्रिय असतो. त्याची फॅन फॉलोइंगही जबरदस्त आहे. 'बिग बॉस १६' मध्ये सहभागी होत आपल्या गोड स्वभावामुळे त्याने प्रेक्षकांचे मन जिंकले होते. त्याच्या क्यूटनेसमुळे तो सर्वांचा लाडका बनला. खुद्द सलमान खाननेही (Salman Khan) अब्दुचे सतत कौतुक केले होते. नुकताच अब्दु आणि सलमान खानचा एक व्हिडिओ व्हायरल झाला आहे. सलमान खानने अब्दुला उचललं आहे आणि दोघेही 'ओ ओ जाने जाना'वर डान्स करत आहेत. '
बिग बॉस १६' चा फिनाले नुकताच पार पडला. यानंतर सर्वांनी दिग्दर्शिका फराह खानच्या घरी जंगी पार्टी केली. तर आता नुकतेच अब्दुने पोस्ट केलेला व्हिडिओ व्हायरल होत आहे. हा व्हिडिओ त्याच पार्टीतील असण्याची शक्यता आहे. अब्दुने दोन व्हिडिओ पोस्ट केले आहेत. पहिल्या व्हिडिओत छोटा भाईजान आणि भाईजान दोघेही 'ओ ओ जाने जाना' हे गाणं गात एंजॉय करत आहेत. तर आणखी एका व्हिडिओत सलमानने अब्दुला उचलून घेतले आहे. ओ ओ जाने जाना! भाईजान आणि छोटा भाईजान आणि हार्ट इमोजी असं कॅप्शन दिले आहे.
अब्दु आणि सलमानचा हा व्हिडिओ भलताच पसंत केला जातोय.चाहत्यांनीही व्हिडिओवर कमेंट केल्या आहेत. 'वाह छोटा भाईजान आणि बडा भाईजान' अशी कमेंट एकाने केली आहे. तर आणखी एकाने लिहिले,'कॅमेराच्या मागे खरा सलमान खान'. 'आता तुलाही भाईजान आगामी सिनेमात घेतील' असं एकाने म्हणलं आहे.
सलमान खानचा 'किसी का भाई किसी की जान' यावर्षी प्रदर्शित होणार आहे. यामध्ये अब्दु रोझिकचीही भूमिका असणार आहे. सलमान आणि अब्दुची जोडी सोशल मीडियावर भलतीच पसंत केली जाते.