बिग बॉस ओटीटी सीझन २ (Bigg Boss OTT 2) जिओ सिनेमावर १७ जूनपासून धमाक्‍यात सुरू होण्‍यास सज्‍ज आहे. प्रीमियरपूर्वी बॉलिवूडचा भाईजान सलमान खान(Salman Khan)ने बिग बॉस ओटीटी सेट्सवर धमाकेदार एण्‍ट्री केली. अक्षरश: ओटीटीवर धुमाकूळ निर्माण करत दबंग-अभिनेता डबल-डेकर बसच्‍या छतावर शोचे उत्‍साहवर्धक गाणे ‘लागी बागी’वर नृत्‍य करताना, तसेच फोटोग्राफर्सना त्याच्या स्‍वॅगसह पोझ देताना दिसला.
सलमान खान म्हणाला की, हा शो OTT वर येत आहे पण ते संस्कृतीच्या विरोधात काहीही होऊ देणार नाही. तसेच OTT वर बोलताना, सलमान खान म्हणाला, त्याला वाटते की OTT वर काही मार्गदर्शक तत्त्वे लागू करण्यात आली आहेत, ज्यामुळे सामग्रीमध्ये खूप सुधारणा झाली आहे. ओटीटीवर संस्कृतीच्या विरोधात असे काहीही होऊ देणार नाही, असे सलमान खान म्हणाला.तसेच सलमान खानने सांगितले की, यावेळी त्याचा एक मित्रही शोमध्ये सहभागी होत आहे. सलमान म्हणाला की, त्याचा मित्र या शोमध्ये सहभागी होत आहे हे त्याला माहीत नव्हते पण सेटवर जेव्हा तो भेटला तेव्हा त्याला कळले. बिग बॉस ओटीटीच्या ग्रँड लॉन्च इव्हेंटमध्ये सलमानने सांगितले की, त्याला बिग बॉसशी संबंधित माहितीसाठी अनेक कॉल येतात. सलमानने खुलासा करताना सांगितले की, शोमध्ये सहभागी होण्यासाठी अनेक कॉल्स येत आहेत, ज्यामध्ये कलाकारांपासून ते राजकारणी सहभागी आहेत.
शो कधी प्रसारित होईल?बिग बॉस ओटीटी सीझन २च्या संदर्भात शोच्या चाहत्यांमध्ये खूप उत्सुकता आहे. बिग बॉस OTT चा भव्य प्रीमियर १७ जून रोजी रात्री ९ वाजता जिओ सिनेमावर होणार आहे. बिग बॉस ओटीटीची खासियत म्हणजे हा शो २४ तास प्रीमियर होईल. जिथे लोक लाइव्ह स्ट्रीमिंगद्वारे स्पर्धकांचे टास्क आणि रेशन यासारख्या गोष्टींवर नियंत्रण ठेवण्यास सक्षम असतील. यावेळी बिग बॉस OTT 2 मध्ये पब्लिकच खरा बॉस आहे.