​संजय नार्वेकर झळकणार झी टॉकीजच्या न.स.ते. उद्योगमध्ये

दोन घटका करमणूक होईल आणि थोडे खळाळून हसता येईल अशा प्रकारच्या मनोरंजनाची नेहमीच गरज असते. विनोदी कार्यक्रम सर्वच मोठ्या आवडीने पाहत असतात. हीच गरज हेरून झी टॅाकीज या चित्रपट वाहिनीने मनोरंजनाच्या क्षेत्रात आणखी एक मोठे पाऊल टाकत न.स.ते. उद्योग हा एक हलका – फुलका विनोदी कार्यक्रम प्रेक्षकांच्या भेटीला आणला आहे. मराठी मनोरंजनाच्या दुनियेत आपल्या प्रेक्षकांना सातत्याने नवनवीन दर्जेदार कार्यक्रम देणाऱ्या झी टॅाकीज वाहिनीने आणलेल्या न.स.ते. उद्योग या कार्यक्रमातून प्रेक्षकांना धमाल अभिनय, खळखळून हसवणारे संवाद आणि निखळ मनोरंजनाची ट्रीट मिळणार आहे. येत्या २९ ऑक्टोबरपासून या कार्यक्रमाची सुरुवात होणार आहे. न.स.ते. उद्योग या कार्यक्रमाद्वारे मराठी सिनेमा आणि नाटकांमधील दिग्गज कलाकार छोटा पडदा गाजवायला येत आहेत. न.स.ते. उद्योग करण्यासाठी  सुप्रसिद्ध अभिनेते संजय नार्वेकर आणि त्यांच्याबरोबर निलेश दिवेकर, नम्रता आवटे, पंकज पंचारिया, जनार्दन लवंगारे हे विनोदवीर पुढाकार घेणार आहेत. दर आठवड्याला एक नवा उद्योग करत या विनोदवीरांचे न.स.ते. उद्योग हास्याची कारंजी फुलवणार आहेत.शिऱ्याच्या भूमिकेतून गाजलेले आणि सध्या हिंदी चित्रपट सृष्टीमध्ये अनेक हिट चित्रपट देणारे विकास कदम आपल्या विनोदाचे 'उत्कृष्ट टायमिंग' घेऊन प्रथमच मराठी टेलिव्हिजन शो च्या दिग्दर्शनात उतरत आहेत. विनोदाची चौफेर फटकेबाजी असलेल्या न.स.ते. उद्योग या कार्यक्रमाबद्दल बोलताना झी टॅाकीजचे बिझनेस हेड बवेश जानवलेकर सांगतात की, झी टॉकीज ही चित्रपट वाहिनी असली तरी प्रेक्षकांची कॉमेडीची आवड लक्षात घेऊन आम्ही या नवीन कार्यक्रमाची निर्मिती करत आहोत. रोजचे ताणतणाव विसरुन दोन घटका मनमुराद हसण्याची संधी या कार्यक्रमातून प्रेक्षकांना मिळेल.सरीवर सरी, अगं बाई अरेच्चा, खबरदार, चेकमेट यांसारख्या मराठी तर हंगामा, हत्यार, प्यासा, वास्तव, एक और एक ग्याराह यांसारख्या प्रसिद्ध हिंदी चित्रपटांमध्ये संजय नार्वेकरने मुख्य भूमिका साकारल्या आहेत तर निलेश दिवेकरने देखील फरारी की सवारी, वास्तव यांसारख्या हिंदी तर व्हेंटिलेटर सारख्या मराठी चित्रपटामध्ये खूप चांगल्या भूमिका साकारल्या आहेत. Also Read : संजय नार्वेकरांच्या ​तीन पायांची शर्यत नाटकाचा दुबई दौरा