संकर्षण कऱ्हाडेचा सख्या भाऊसुद्धा आहे कलाविश्वातील प्रसिद्ध चेहरा, 'पिंकीचा विजय असो'मध्ये साकारतोय भूमिका

संकर्षण कऱ्हाडे प्रमाणेच त्याचा भाऊ देखील अभिनेता आहे. झी मराठीवरील महाराष्ट्राचा सुपरस्टार या रिऍलिटी शोमध्ये तो झळकला होता.

छोट्या पडद्यावरील 'माझी तुझी रेशीमगाठ'(Majhi Tujhi Reshimgath) ही मालिका रसिकांना चांगलीच भावली आहे. मालिकेची कथा आणि कलाकारांचा दर्जेदार अभिनय रसिकांच्या पसंतीस पात्र ठरत आहेत. या मालिकेत समीरची भूमिका अभिनेता संकर्षण कऱ्हाडे( sankarshan karhade) साकरतोय. संकर्षण साकारत असलेली समीरची भूमिका प्रेक्षकांना खूप आवडते आहे. समीर आणि यशची मैत्रीदेखील प्रेक्षकांना भवतेय. पण तुम्हाला माहिती आहे का संकर्षण प्रमाणेच त्याचा भाऊ देखील अभिनेता आहे. 

स्टार प्रवाहवरील पिंकीचा विजय असो (pinkicha vijay asoo) या मालिकेत संकर्षणाचा भाऊ अधोक्षज बंटीची भूमिका साकारतो आहे. अधोक्षज कऱ्हाडेने (adhokshaj karhade ) सोशल मीडियावर सक्रिय असतो. आपले फोटो आणि व्हिडीओ तो शेअर करत असतो. 

अधोक्षज कऱ्हाडेसु्द्धा लहानपणापासून नाटकांमध्ये काम करत आहे. अधोक्षजने झी मराठीवरील महाराष्ट्राचा सुपरस्टार या रिऍलिटी शोमध्ये सहभागी झाला होता. त्यानंतर तो झीवरील घेतला वसा टाकू नको या मालिकेत दिसला होता. शांतता! मराठीचं कोर्ट चालू आहे, या लघुपटात देखील तो दिसला आहे.

आता तो पिंकीचा विजय असो या मालिकेत दिसतोय. या मालिकेत त्याच्यासोबत अमिता खोपकर, पियुष रानडे, हर्षद नायबळ, अंकिता जोशी, कल्याणी जाधव, मुकेश जाधव, सुनील तावडेमुख्य भूमिकेत दिसणार आहे.