'महाराष्ट्राची हास्यजत्रा' (Maharashtrachi Hasyajatra) म्हणजे सध्याचा सर्वांचा लाडका आणि लोकप्रिय कार्यक्रम. या विनोदी कार्यक्रमातील सर्वच कलाकार आज स्टार झालेत. त्यामुळे त्यांच्या आयुष्यात नेमकं काय चाललंय याची चाहत्यांना उत्सुकता असते. कोण कोणाला डेट करतंय हा तर कायमच चर्चेचा विषय असतो. प्रियदर्शिनी (Priyadarshini Indalkar) आणि ओंकार राऊत (Onkar Raut) यांच्यातील अफेअरची चर्चा भलतीच गाजली. आता सर्वांची लाडकी शिवालीने एक फोटो स्टोरी पोस्ट करत सर्वांनाच गोंधळात टाकले.
हास्यजत्रेतली चुलबुली कलाकार शिवाली परबने (Shivali Parab) इन्स्टाग्रामवर एका अभिनेत्यासोबत फोटो स्टोरीमध्ये पोस्ट केला. आता फोटो पोस्ट केल्याने काय होतंय असं तुम्हाला वाटत असेल. पण या फोटोवर तिने लिहिलेलं कॅप्शन इंटरेस्टिंग होतं. शिवाली चक्क त्या अभिनेत्यासोबत डेटवर गेली होती. होय तिने लिहिले, 'डेट विद माय निब्बा' इतकंच नाही तर पुढे #cutebaby असंही लिहिलं. शिवालीच्या या कॅप्शनने आता चर्चेला उधाण आलंय.
हा फोटो पाहून तुम्ही या अभिनेत्याला ओळखलंत का ? हा आहे अभिनेता निमिष कुलकर्णी (Nimish Kulkarni). निमिष सध्या स्टार प्रवाहवरील 'सहकुटुंब सहपरिवार' मालिकेत महत्वाची भूमिका साकारत आहे. आता शिवाली आणि निमिषची भेट कशी झाली ते तर गुलदस्त्यातच आहे. पण दोघांमध्ये काहीतरी शिजतंय या चर्चा जोर धरुन आहेत.