स्टार प्रवाह वाहिनीवरील फुलाला सुगंध मातीचा (Phulala Sunghandh Maticha Serial) ही मालिका गेल्या अनेक दिवसापासून प्रेक्षकांचे मनोरंजन करताना दिसत आहे. या मालिकेत सध्या किर्तीची आयपीएसची खडतर ट्रेनिंग सुरू झालेली आहे. आता या मालिकेमध्ये नवीन वळण आले आहे.या मालिकेमध्ये अनेक भूमिका प्रेक्षकांच्या आवडीच्या आहेत. मात्र आता या मालिकेतील एका अभिनेत्रीने ही मालिका सोडली असल्याची चर्चा सध्या काही दिवसांपासून रंगत आहे.
फुलाला सुगंध मातीचा या मालिकेतील एका अभिनेत्रीने मालिका सोडली असल्याची चर्चा गेल्या काही दिवसांपासून सोशल मीडियावर होत आहे. ही अभिनेत्री नेमकी कोण आहे याबद्दलही अनेकांना उत्सुकता लागली आहे. या मालिकेमध्ये जान्हवीची भूमिका देखील प्रेक्षकांना प्रचंड आवडलेली आहे. जान्हवीची भूमिका भूमीजा पाटील (Bhumija Patil) हिने साकारली आहे. भूमीजा पाटील हिने ही मालिका सोडली असे सांगण्यात येत आहे. याचे कारणही समोर आले आहे.