‘सुख म्हणजे नक्की काय असतं’ (Sukh Mhanje Nakki Kay Asta) या मालिकेचा प्रेक्षकवर्ग मोठा आहे. याच मालिकेतील देवकी अर्थात भूमिका साकारणारी मीनाक्षी राठोड (Meenakshi Rathod) हिच्याकडे सध्या गुडन्यूज आहे. होय, मीनाक्षी लवकरच आई होणार आहे. सध्या मीनाक्षी प्रेग्नंसी एन्जॉय करतेय. नुकतंच तिने प्रेग्नंसी फोटोशूट केलं. याचा एक हटके व्हिडीओ तिने सोशल मीडियावर शेअर केला आहे. यात मीनाक्षीआणि तिचा नवरा कैलाश वाघमारे दोघंही हटके स्टाईलमध्ये दिसत आहेत.
मीनाक्षीचा नवरा कैलाश हादेखील एक उत्तम अभिनेता आहे. दोघांनी कॉलेजमध्ये असतानाच अभिनय प्रवासाला सुरूवात केली होती.
मीनाक्षी मुळची जालन्याची. तिच्या अभिनयाची सुरुवात झाली ती शाळेपासून. वडील कलाप्रेमी असल्यामुळे नाटक, अभिनय, नृत्य स्पर्धांमध्ये तिला आवर्जून भाग घ्यायला सांगायचे. कॉलेजमध्ये असताना युथ फेस्टिव्हलमध्येही ती नियमितपणे सहभागी व्हायची. परंतु तिचा अभिनयप्रवास सुरू झाला ती मुंबईला आली तेव्हापासून. सर्वप्रथम ‘शिवाजी अंडरग्राऊंड इन भीमनगर मोहल्ला’ या प्रसिद्ध नाटकात सावित्रीबाई यांची भूमिका मिळाली. या नाटकाचे पाच वर्षांत जवळपास साडे सातशे प्रयोग झालेत. इथून तिच्या करिअरला वेग मिळाला.
जालन्यातील गंगाराम वाडी, अंबड येथील शाळेतून तिने शिक्षण घेतलं. करिअर करण्यासाठी ती मुंबईला आली. थिएटर आर्ट्स, मुंबई विद्यापीठ येथून तिने पुढील शिक्षण घेतलं. मयत, कमरबंद, सायकल यासारख्या चित्रपटांमध्ये तिने अभिनय केला आहे.2018 मध्ये मराठी मालिका ‘बाळूमामाच्या नावानं चांगभलं’ मधून मीनाक्षीने टीव्ही विश्वात पदार्पण केलं. 2020 मध्ये तिला ‘सुख म्हणजे नक्की काय असतं’ ही मालिका मिळाली. मीनाक्षीने अनेक लघुपटांमध्ये काम केलंय. तिचा ‘खिसा’ लघुपट गाजल. या लघुपटाला राष्ट्रीय पुरस्कारही मिळाला आहे.