Sukh Mhanje Nakki Kay Asta: गौरीसाठी धावून आली अंबाबाई; शिर्के-पाटलांच्या घरी होणार लक्ष्मीचं आगमन...

Sukh Mhanje Nakki Kay Asta: 'सुख म्हणजे नक्की काय असतं' मालिकेत जयदीप जीवाचं रान करुन जयदीप वाचवणार गौरी आणि बाळाचे प्राण.

Sukh Mhanje Nakki Kay Astaछोट्या पडद्यावर गाजत असलेली मालिका म्हणजे 'सुख म्हणजे नक्की काय असतं' (sukh mhanje nakki kay asta). उत्तम कथानकामुळे लोकप्रिय झालेल्या या मालिकेत अनेक ट्विस्ट अँड टर्न्स पाहायला मिळाले. त्यामुळे ही मालिका दिवसेंदिवस रंजक ठरत आहे. मालिकेचं कथानक सध्या अतिशय रोमांचक वळणावर येऊन पोहोचलं आहे. 
प्रेग्नेंन्सीमध्ये गौरीचा जीवघेणा अपघात होतो. या अपघातामुळे गौरी आणि तिच्या बाळाच्या जीवाला धोका निर्माण झाला आहे. त्या दोघांचाही जीव वाचावा यासाठी जयदीप जीवाचं रान करत आहे. अखेर त्याच्या प्रयत्नांना यश आलं आहे.

जीवघेण्या अपघातातून गौरी आणि बाळ वाचावं यासाठी जयदीपने कोल्हापूरच्या अंबाबाईला साकडं घालतो. इतकंच नाही तर त्याने मोठ्या श्रद्धेने व्रत पूर्णही केलं. अंबाबाईचा त्याच्या मदतीला धावून आली. अंबाबाई डॉक्टर म्हणून आली आहे आणि गौरीचा आणि तिच्या बाळाचा जीव वाचवला आहे. दसऱ्याच्या दिवशी शिर्के पाटील कुटुंबात लक्ष्मीचं आगमन होणार आहे. जयदीप गौरीला कन्यारत्न होणार असून गौरी आणि बाळ दोघेही सुखरूप आहेत. लक्ष्मीच्या आगमनाने आता मालिकेत कोणतं नवं वळण येणार हे आपल्याला लवकरच कळेल. 

'सुख म्हणजे नक्की काय असतं' मालिकेत आतापर्यंत गौरी आणि जयदिपवर अनेक संकटं आली. पण त्यावर दोघांनी मिळून मात केली. आता इथूनपुढे मालिकेत चांगला ट्रॅक  पाहायला मिळेल अशी प्रेक्षकांना आशा आहे. सुख म्हणजे काय असतं  मालिकेत आलेल्या नव्या ट्विस्टमुळे मालिका टीआरपी मध्ये पाच मध्ये आहे.  या मालिकेचे प्रचंड मोठ्या प्रमाणात चाहते आहेत.