Sukh Mhanje Nakki Kay Asta : ‘सुख म्हणजे नक्की काय असतं’ ही प्रेक्षकांची आवडती मालिका. प्रेक्षकांना खिळवून ठेवण्यासाठी मालिकेत नवनवे ट्वीस्ट आणले जातात. ‘सुख म्हणजे नक्की काय असतं’ या मालिकेतही असाच एक नवा ट्वीस्ट पाहायला मिळतोय. होय, जयदीपने गौरीला कड्यावरून ढकलून दिलं. त्यानंतर गौरीचा मृत्यू झाला, असं वाटत असताना आता मालिकेत गौरी सारखी दिसणारी एक स्त्री शिर्केपाटील कुटुंबात आली आहे.
मनोरंजन मराठीच्या रिपोर्टनुसार गौरीने मालिकेत तिची स्मरणशक्ती गेल्याचं बनाव केला आहे. पण ती माईंनी विश्वासात घेऊन तिच्यासोबत जयदीप आणि मानसी मिळून काय केलं याचं सत्य सांगणार आहे. ऐवढंच नाही तर गौरीला माईंची साथ लाभणार आहे आणि दोघी मिळून जयदीप आणि मानसीला धडा शिकवणार आहेत. त्यामुळे आता जयदीप आणि मानसीला त्यांच्या कृत्याची गौरी काय शिक्षा देणार याची उत्सुकता चाहत्यांना लागली आहे.
दरम्यान ‘सुख म्हणजे नक्की काय असतं’ मालिकेतील गौरी आई होऊ शकणार नाही, असा ट्रॅक मागच्या काही दिवसांत मालिकेत सुरू होता. यानंतर जयदीप व गौरी सरोगसीची मदत घेण्याचा निर्णय घेतात. मानसीही यासाठी पुढाकार घेते. मात्र यादरम्यान गौरीला मानसीचा खरा डाव कळतो. ती जयदीपला सर्व सांगण्याचा प्रयत्न करते. पण जयदीप ऐनवेळी तिला दगा देत, तिला कड्यावरून ढकलून देतो.