बिग बॉस १६ फेम शिव ठाकरेनं (Shiv Thakare )नुकतीच नवीकोरी कार खरेदी केली. त्याचा व्हिडीओ तुम्ही बघितला असेलच. आता शिवचा एक नवा व्हिडीओ व्हायरल होतोय. होय, बिग बॉस १६ फेम सुम्बुल तौकिर खाननं (Sumbul Touqeer Khan ) शिवच्या नव्या गाडीचं स्टेअरिंग आपल्या हातात घेतलं अन् ते पाहून शिवच्या हृदयाची धडधड वाढली. त्याची पार बत्ती गुल झाली.व्हिडिओमध्ये मागच्या सीटवर बसलेल्या एका व्यक्तीने हा व्हिडिओ बनवला आहे. यात सुम्बुल शिवची नवी गाडी चालवते आहे आणि शिव तिच्या बाजूच्या सीटवर बसलेला आहे. आपली नवी कोरी गाडी सुम्बुल ठोकणार तर नाही ना, अशी भीती शिवला अस्वस्थ करतेय.
यार माझी गाडी परत दे. मला वर्कआउट करायला जायचं आहे लागेल, असं तो म्हणतो. यावर सुंबुल उत्तर देते की तिलाही जायचं आहे. नवीन गाडी म्हणजे काय गंमत आहे मित्रा..पहिला दिवस आहे, असं शिव तिला म्हणतो. यावर, तुला वर्कआउटला जायचं ना मी तुला सोडते आणि गाडी घेवुन जाते, असं सुम्बुल म्हणते. यावर शिव म्हणतो की, 'पहिल्या दिवशीच दुसऱ्या गाडींना पप्पी देशील धडकशील. पण मी अजून काही केल नाही आहे. मी पूर्ण काळजीपुर्वक गाडी चालवत आहे, असं सुम्बुल म्हणते. पण शिवचं टेन्शन कमी होण्याऐवजी वाढतं. तू नखा इतकंही लक्ष केंद्रित करत नाहीयेय. तु कुठेतरी चिकटवशील गाडी. माझ्या भावनांशी खेळू नकोस यार..., असं तो म्हणतो.हा व्हिडीओ फारच मजेशीर आहे.
चाहत्यांनी या व्हिडीओवर भरभरून कमेंट्स केल्या आहेत. बिचारा शिव, असं म्हणत काहीजण शिवची मजा घेत आहेत. तर काहींनी सुम्बुलला असं न करण्याचा सल्ला दिला आहे.