'तारक मेहता का उल्टा चष्मा' (Taarak Mehta Ka Ooltah Chashmah)या लोकप्रिय शोमध्ये दयाबेनला परत आणण्यासाठी अनेक दिवसांपासून तयारी सुरू आहे. पण प्रत्येक वेळी चर्चा कोणत्या ना कोणत्या मुद्द्यावर अडकून पडते. दिशा वकानी (Disha Vakani) 2017 पासून शोमध्ये दिसलेली नाहीदिशा मॅटर्निटी लीव्हवर गेली ती आजपर्यंत ती परत आलीच नाही. दिशा वाकानी पुन्हा एकदा शोमध्ये पुनरागमन करणार असल्याची चर्चा रंगली आहे.
Koimoiच्या रिपोर्टनुसार, दिशा वकानीने कमबॅकसाठी भरघोस फीची मागणी केली आहे. ज्यामुळे तिला मालिकेत परत आणणे कठीण जातेय. दिशा वाकानीने निर्मात्यांना तिच्या मानधात वाढ करण्याची मागणी केली आहे. दिशा वकानीने एका एपिसोड दीड लाख मागितल्याचे बोलले जात आहे. तेही फक्त ३ तासांच्या शूटसाठी. दिशा वकानीने सेटवर तिच्या मुलीसाठी नर्सरी आणि पूर्णवेळ नॅनीची मागणी निर्मात्यांसमोर ठेवली आहे.
दिशा वाकानी ही शोची जान आहे. तारक मेहता या शोमध्ये तिच्या येण्याने चार चाँद लागतील यात काही शंका नाही. तसे, दिशाच्या अनुपस्थितीतही शोचे मनोरंजन करणाऱ्या निर्मात्यांचे कौतुक करावे लागेल. दिशाची एवढी प्रतीक्षा करत शोला तारणे ही काही छोटी गोष्ट नाही. शो कंटाळवाणा होतोय आहे असे नाही. तारक मेहता का उल्टा चष्मा पूर्वीप्रमाणेच प्रेक्षकांमध्ये आपले आकर्षण कायम ठेवले आहे.