‘तारक मेहता का उल्‍टा चश्‍मा’ ( Taarak Mehta Ka Ooltah Chashmah ) या मालिकेत अनेक कलाकार आलेत आणि गेलेत, पण चाहते त्यांना अद्यापही विसरलेले नाहीत. मालिकेतील अनेक बालकलाकार लहानाचे मोठे झालेले चाहत्यांनी पाहिलेत. निधी भानुशाली त्यापैकीच एक. होय, ‘तारक मेहता का उल्‍टा चश्‍मा’मधील जुनी सोनू अर्थात निधी भानुशाली (Nidhi Bhanushali ) सध्या मालिकेत काम करत नाही. पण सोशल मीडियावरच्या फोटोंमुळे जाम चर्चेत असते. भिडे मास्तरांच्या या साध्याभोळ्या लेकीचे ताजे फोटो पाहाल तर थक्क व्हाल.
निधीने कर्नाटकच्या मुल्की येथे सर्पिंग करतानाचे तीन फोटो शेअर केले आहेत. निळ्याशार समुद्रात जलपरी बनून उतरलेल्या निधीचे हे फोटो पाहून तुम्हीही तिच्या प्रेमात पडाल. निधीने हे फोटो शेअर केलेत आणि ते लगेच व्हायरल झालेत. निधीला भटकंती करायला आवडते. वेळ मिळेल तेव्हा ती नवनव्या ठिकाणी भटकंती करताना दिसते. काही दिवसांपूर्वीच ती लडाखमध्ये सुट्टीचा आनंद घेताना दिसली होती.
‘तारक मेहता का उल्‍टा चश्‍मा’मध्ये आत्माराम तुकाराम भिडे यांच्या मुलीची भूमिका निधीने साकारली होती. अनेक वर्षे ही भूमिका साकारल्यानंतर तिने ही भूमिका सोडली होती. निधी ‘तारक मेहता का उल्‍टा चश्‍मा’ मधून बाद झाली पण सोशल मीडियावर मात्र ती प्रचंड अ‍ॅक्टिव्ह आहे.
सर्वप्रथम सोनूची भूमिका झील मेहताने साकारली होती. 9 वर्षांच्या वयापासूनच झीलने या मालिकेत काम करणे सुरु केले होते. पण तिनेही अभ्यासासाठी ही मालिका सोडली होती. तिच्या नंतर ‘तारक मेहता का उल्‍टा चश्‍मा’ मध्ये निधी भानूशालीची एन्ट्री झाली होती. निधी सोशल मीडियावर प्रचंड अ‍ॅक्टिव्ह आहे. स्वत:चे बोल्ड आणि ग्लॅमरस फोटो ती शेअर करत असते. इन्स्टावर तिचे असंख्य फॉलोअर्स आहेत.