टीव्हीवरच्या मालिका आणि त्यातील अतिशयोक्ती पाहून अनेकदा हसू येतं. सध्या एका मालिकेमधील असाच एक सीन सोशल मीडियावर तुफान व्हायरल होतोय आणि तो पाहून नेटकऱ्यांना हसू आवरत नाहीये. नेटकऱ्यांच्या कमेंट्स आणि त्यावरचे मीम्स तर विचारू नका. आता या सीनमध्ये असं काय आहे तर ते जाणून घेण्यासाठी तुम्हाला सोबतचा व्हिडीओ बघावा लागेल.तर या मालिकेचं नाव काय तर ‘थपकी प्यार की 2’. मालिकेत थपकी आणि पुरबचं नुकतंच लग्न झालंय. थपकी ड्रेसिंग टेबलजवळ उभी आहे. तितक्याच तिचा पती पुरब रूममध्ये येतो आणि ओल्या फरशीवरून त्याचा पाय घसरतो. यानंतर काय होतं, ते पाहून तुम्हालाही हसू आवरणार नाही.फरशीवरून घसरून तो थेट थपकीजवळ जातो आणि विशेष म्हणजे, त्याचं बोट नेमकं कुंकवाच्या डबीत पडतं आणि ते कुंकवाचं बोट क्षणात थपकीच्या कपाळावर चिकटतं. पुरब मान वर करून पाहतो तर थपकीची भांग कुंकवानं भरलेली असते.
अभिनेता घसरतो काय नि त्याचं बोट नेमकं कुंकवाच्या डबीत जाऊन नंतर तो अभिनेत्रीची भांग भरतो काय, हे सगळं पाहून नेटकऱ्यांनी या दृश्याची खिल्ली उडवली आहे.
काही नेटकऱ्यांनी याला ‘मिशन इम्पॉसिबल’चं नाव दिलंय तर काहींनी याला मूर्खपणाचा कळसं म्हटलं आहे.
मतलब कुछ भी...ऐसा कौन फिसलता है..., अशी मजेशीर कमेंट एका युजरने दिली आहे. भाई, ये ज्यादा नहीं हो रहा... हद है, अशी प्रतिक्रिया अन्य एका युजरने दिली आहे. हा व्हिडीओ आत्तापर्यंत 5 लाखांवर लोकांनी पाहिला आहे. हजारो लोकांनी यावर कमेंट्स केल्या आहेत.