छोटा पॅकेट, बडा धमाका’ म्हणून ओळखल्या जाणाऱ्या शिवाली परबला (Shivali Parab) आजच्या घडीला कोणी ओळखत नाही असा एकही व्यक्ती नाही. ‘महाराष्ट्राची हास्यजत्रा’मधून (Maharashtrachi Hasyajatra) ती प्रेक्षकांचं निखळ मनोरंजन करत आहे. विशेष म्हणजे उत्तम विनोदशैलीसोबतच तिच्या सौंदर्यामुळे आज ती अनेकांच्या मनावर राज्य करते. त्यामुळे सोशल मीडियावर तिची मोठा चाहतावर्ग असल्याचं पाहायला मिळतं. अलिकडेच शिवालीने इन्स्टाग्रामवर एक व्हिडीओ शेअर केला हा व्हिडीओ पाहिल्यावर अनेकांनी तिच्या बहिणीचं कौतुक करायला सुरुवात केली आहे.
शिवाली सोशल मीडियावर कमालीची सक्रीय आहे. त्यामुळे बऱ्याचदा ती नेटकऱ्यांसोबत तिच्या जीवनातील काही किस्से, प्रसंग शेअर करत असते. यात अलिकडेच तिने तिच्या बहिणीसोबतचा एक व्हिडीओ पोस्ट केला. या व्हिडीओमध्ये ती तिच्या बहिणीसोबत दिसत आहे.
सोशल मीडियावर व्हायरल होत असलेल्या व्हिडीओमध्ये शिवाली आणि तिची बहीण स्नेहा दिसत आहे. यात दोघींनीही नवा ट्रेंड फॉलो केला आहे. सोबतच सैराट झालं जी हे गाणं बँकग्राऊंडला सुरु असल्याचं पाहायला मिळतं. शिवालीचा हा व्हिडीओ पाहिल्यावर अनेकांनी त्यावर भन्नाट कमेंट केल्या आहेत. सॉरी शिवाली पण, तुझ्यापेक्षा तुझी बहीण जास्त छान दिसते, असं एका नेटकऱ्याने म्हटलं आहे. तर, कोळसेवाडीची सुंदरा, दोघी किती छान दिसताय, अशा कितीतरी कमेंट नेटकऱ्यांनी या व्हिडीओवर केल्या आहेत.