Chandar Prabhakar Buys New XUV 700: कपिल शर्मा शो(The Kapil Sharma Show) फेम चंदन प्रभाकर(Chandan Prabhakar) ने एक नवीन कार खरेदी केली आहे ज्याचे फोटो सोशल मीडियावर कव्हर झाले आहेत. चंदन प्रभाकरच्या कार कलेक्शनमध्ये आता XUV 700 चा समावेश झाला आहे. या कारची किंमत 20 लाख सांगितली जात आहे. ही निळ्या रंगाची कार अतिशय आलिशान आणि सुंदरही आहे.
चंदन प्रभाकरला आलिशान कारची आवड आहे आणि त्याच्याकडे अनेक गाड्या आहेत. चंदनला गाड्यांची विशेष आवड आहे. त्यामुळे त्याच्याकडे अनेक गाड्यांचं कलेक्शन आहे. यात BMW 3 Series 320D यांसारख्या गाड्यांचाही समावेश आहे. चंदन एका एपिसोडसाठी ५ते ७ लाख रुपये मानधन घेतो असं म्हटलं जातं.
चंदन प्रभाकरचे मुंबईत घर आहे. ज्याला त्याच्या पत्नीने सुंदर सजवले आहे. या घरात तो आपल्या संपूर्ण कुटुंबासोबत राहतो. त्याच्या एकूण मालमत्तेबद्दल बोलायचे झाले तर, मीडिया रिपोर्ट्सनुसार, त्याच्याकडे 15 कोटींची मालमत्ता आहे.
गेल्या कित्येक वर्षांपासून 'द कपिल शर्मा शो' हा कार्यक्रम प्रेक्षकांचं मनोरंजन करत आहे. त्यामुळे कायमच हा शो चाहत्यांमध्ये चर्चेत असतो. या शोमधील प्रत्येक कलाकाराने आपल्या विनोदबुद्धीच्या जोरावर प्रेक्षकांची मनं जिंकली आहेत. म्हणूनच या शोमधील प्रत्येक कालाकाराचा एक स्वतंत्र असा चाहतावर्ग आहे. चंदन छोट्या पडद्याप्रमाणेच चंदन काही चित्रपटांमध्येही झळकला आहे. यात 'भावनाओं को समझो', 'पावर कट', 'डिस्को सिंग' आणि 'जज सिंह एलएलबी' या चित्रपटांमध्ये त्याने काम केलं आहे.