झी मराठी वाहिनवरील लोकप्रिय मालिका 'तुझ्यात जीव रंगला' (Tuzyat Jeev Rangala) मालिका संपून आता बराच काळ उलटून गेला असला तरी या मालिकेने आणि त्यातील पात्रांनी रसिकांच्या मनात घर केले आहे. या मालिकेतील राणादा आणि अंजली पाठक यांची केमिस्ट्री चाहत्यांना खूपच भावली होती. राणादाची भूमिका अभिनेता हार्दिक जोशी(Hardik Joshi)ने साकारली होती. तर अंजली पाठकची भूमिका अभिनेत्री अक्षया देवधर (Akshaya Deodhar) हिने निभावली होती. नुकताच त्या दोघांचा साखरपुडा पार पडला. त्यांनी साखरपुड्याचे फोटो शेअर करून ही खुशखबर चाहत्यांना दिली होती. दरम्यान त्या दोघांनी आता गुपचूप लग्न केले की काय असा प्रश्न चाहत्यांना पडला आहे. कारण सोशल मीडियावर अक्षया देवधरचा एक व्हिडीओ व्हायरल होतो आहे. ज्यात तिच्या गळ्यात मंगळसूत्र पाहायला मिळत आहे.
बऱ्याच दिवसांपासून अक्षया देवधर आणि हार्दिक जोशी दोघे खऱ्या आयुष्यात रिलेशनशीपमध्ये असल्याच्या चर्चा रंगल्या होत्या. मात्र त्या दोघांनी कधी या वृत्ताला दुजोरा दिला नव्हता. मात्र नुकताच त्या दोघांचा साखरपुडा पार पडला. साखरपुड्याचे फोटो शेअर करून त्या दोघांनी चाहत्यांना सुखद धक्का दिला. त्यांच्या साखरपुड्याचे फोटो सोशल मीडियावर खूप व्हायरल झाले होते. दरम्यान आता सोशल मीडियावर अक्षया देवधरचा एक व्हिडीओ व्हायरल होताना दिसत आहे. या व्हिडीओत अक्षया साडीत दिसते आहे आणि तिच्या गळ्यात मंगळसूत्र पाहायला मिळत आहे. हा व्हिडीओ पाहून त्या दोघांनी गुपचूप लग्न केले की काय असा प्रश्न चाहत्यांना पडला आहे.
मात्र अक्षयाचा हा व्हिडीओ जूना असून कोणत्यातरी शूट दरम्यानचा असण्याची शक्यता आहे. अक्षया आणि हार्दिक यांच्या साखरपुड्यानंतर आता त्यांचे चाहते त्यांच्या लग्नाची उत्सुकतेने वाट पाहत आहेत.